فرانسا سوریهدکی بیر تورپاغینی ساتیشا چیخاردی
بودجه آچیقلارینی آزادماغی هدفلهین ناظیرلیک، گلهجک ایل اوچون جمعیته عاید 930 داشینماز ساتماق ایستییر. مالیه ناظیرلیگی، بو ساتیشلاردان 500 میلیون آورو گلیر الده ائتمگی هدفلییر
401572
فرانسادا مالیه ناظیرلیگینین سوریهده ترور تشکیلاتی داعشین کونترولو آلتینداکی آنتیک شهر پالمیرا یاخینینداکی فرانسیز دولتینه عاید بیر تورپاغی ساتیشا چیخاردیغی اورتایا چیخدی.
پالمیرا یاخینینداکی تورپاغین ساتیشی، مالیه ناظیرلیگینین 2016-جی ایلین بودجهسی اوچون اجتماعی خرجلرینین فیناسمانی ایله علاقهدار حاضیرلادیغی قانون لاییحهسینین سناتودا ایلگیلی کومیسیوندا موذاکیره اثناسیندا گوندمه گلدی.
بودجه آچیقلارینی آزادماغی هدفلهین ناظیرلیک، گلهجک ایل اوچون جمعیته عاید 930 داشینماز ساتماق ایستییر. مالیه ناظیرلیگی، بو ساتیشلاردان 500 میلیون آورو گلیر الده ائتمگی هدفلییر.
پالمیراداکی فرانسیز دولتینه عاید تورپاغین بؤیوکلوگو، یئری و نه قیمت ایستندیگی حاقیندا آچیقلاما ائدیلمهدی.