جان کری، تورکیه ایله سوریه مرزی‌نین باغلانیلماسی اوچون گؤروشه‌جک
پرزیدنت رجب طیب اردوغان ایله پاریس‌دکی بیرلشمیش میللت‌لر تشکیلاتی‌نین ایقلیم ذیروه‌سی اثناسیندا، سوریه مرزی‌نین اعتبارلی حالا گتیریلمه‌سینی گؤروشدوک‌لرینی خاطیرلا‌ددی
آمریکا بیرلشیک دولتلری خاریجی ایشلر ناظیری جان کری، تورکیه ایله، سوریه مرزی‌نین ترور تشکیلاتی داعشه تامامیله باغلانیلماسی اوچون هاوا و قورو گوجلری‌نین امکداش‌لیق مکانیزملرینی گؤروشه‌جک‌لرینی سؤیله‌دی.
کری، ناتو خاریجی ایشلر ناظیرلری توپلانتیسی‌نین آردین‌دان مطبوعاتا آچیقلاما‌لار وئردی.
پرزیدنت رجب طیب اردوغان ایله پاریس‌دکی بیرلشمیش میللت‌لر تشکیلاتی‌نین ایقلیم ذیروه‌سی اثناسیندا، سوریه مرزی‌نین اعتبارلی حالا گتیریلمه‌سینی گؤروشدوک‌لرینی خاطیرلا‌دان کری،
"پرزیدنت اردوغان (بو موضوعیا) تامامیله باغلی" دئدی.
بو نقطه‌ده داعشه قارشی مرزین گئری قالانی‌نین باغلانیلماسینی ضمانت آلتینا آلماق اوچون تورکیه‌نین کوالیسیونون دیگر اورتاقلارییلا کووردیناسیون حالیندا ایشه داوام ائده‌جگینی وورغولایان کری؛
"آمریکا و تورکیه، سوریه-تورکیه مرزی‌نین باغلانماسی اوچون هاوا و قورو گوجلری‌نین نئجه امکداش‌لیق ائده‌جگینه دایر مصلحتلشمه‌لر اولا‌جاق" دئدی.
جان کری، داعش ایله موباریزه‌یه ناتو عضوو اؤلکه‌لرین نیظامی دستک‌لرینی سورتلندیرمه‌یه حاضیر اولدوغونو دا سؤیله‌دی.
هانسی اؤلکه‌نین نئجه بیر قاتقی تامین ائده‌جگینی آچیقلامایان آمریکا‌لی ناظیر، "یئنی پلان‌لارلا بیلرلر" ایفاده‌سینی ایستیفاده ائتدی.
اینگیلتره، داعشه قارشی عراقدا آپاردیغی هاوا سالدیری‌لارینی سوریه‌یه ده گئنیشلندیرمه‌یه حاظیرلانارکن، آلمانیا دا سوریه‌ده وظیفه ائده‌جک کشف اوچاق‌لاری، بیر ساواش گمیسی و بیر یانا‌جاق دولدورما اوچاغی اوچون تخمینن مین 200 عسکرین بؤلگه‌یه گؤندریله‌جگینی آچیقلامیشدی.
