آلمانیا و فرانسا اینجیرلیک پایگاهیینین ایستیفاده ائتمک ایستهیی
قرارین پارلامنتدن کئچمهسی وضعیتینده، آلمانیانین حاضیردا خاریجدکی ان بؤیوک نیظامی وارلیغی اولاجاق. قرارین، جومه گونو مجلیسدن چیخماسینا قطعی گؤزویله باخیلیر
آلمانیا و فرانسا، داعشله موباریزه اوچون گؤندرهجکلری ساواش اوچاقلارینین آداناداکی اینجیرلیک پایگاهیینین ایستیفاده ائتمسی موضوعسوندا تورکیهدن تصدیق ایستهدی.
آلمان حکومتی، دونن ترور تشکیلاتی داعشه قارشی ساواش اوچون سوریهیه مین 200 قدر عسکر، 4 ایله 6 آراسیندا تورنادو کشف اوچاغی، بیر ساواش گمیسی و یاناجاق دولدورما اوچاغی گؤندرمگی تصدیقلهدی.
قرارین پارلامنتدن کئچمهسی وضعیتینده، آلمانیانین حاضیردا خاریجدکی ان بؤیوک نیظامی وارلیغی اولاجاق. قرارین، جومه گونو مجلیسدن چیخماسینا قطعی گؤزویله باخیلیر.
آلمانیا، لوجستیک اوچون اینجیرلیکی ده ایستیفاده ائتمگی دوشوندوگونه دایر نیّت مکتوبونو آنکارایا چاتدیردی.
خاریجی ایشلر ناظیرلیگی و باش قرارگاه باشقانلیغینین بو طلبه ایستی باخدیغی بیلدیریلیر.
آلمانیا ساوونما ناظیری سؤزچوسو ینس فلوسدورف، فدرال مطبوعات مرکزینده تشکیل ائدیلن مطبوعات کونفرانسیندا، آلمانیانین ائتدیگی کشفلر حاقیندا روسیا، ایران و سوریه رهبرلیکلرینه معلومات وئریلمهسینین بو آن اوچون سؤز موضوعسو اولمادیغینی سؤیلهدی.
تورنادولارین هاوا ساوونما راکتلریله تجهیزاتلی اوچاجاغینی یازان فلوسدورف، بو اوچاقلارین قورودا بومبالاما ائتمیهجگینی ایفاده ائتدی.
سوریهده داعشه یؤنلیک هاوا عملیاتلارینی چوخالدما قراری آلان فرانسا دا، ساواش اوچاقلارینین لازیم تورکیه هاوا ساحهسی ایله عاجیل وضعیتلرده باشدا اینجیرلیک اولماقلا تورکیهدکی هاوا بازالارینی ایستیفاده اوچون آنکارایا نیت مکتوبو چاتدیردی.
فرانسا، اوچاق گمیسی چارلز دو گول-ون مرسیندکی تاشوجو لیمانیندا لوجستیک دستک آلابیلمسینی ده طلب ائتدی.
فرانسانین بو طلبلرینه مثت جواب وئریلمهسینین قارشیسیندا بیر مانع اولمادیغی بیلدیریلیر.
آمریکا بیرلشیک دولتلری ایله ائدیلن اینجیرلیک راضیلیغی، هم بو مرکزین هم ده دیگر پایگاهلاری کوالیسیون گوجلرینین ایستیفاده ائتمهسینه ایمکان وئریر.