برکسلده ترور تهدیدی سویهسینین ان یوکسک اولان 4-ا چیخاریلدی
قالابالیق اولماسییلا بیلینن شهر مرکزیندکی گراند پالاج میدانی آز قالا بوش، سلاحلی عسکر و پولیسلر دؤورهیه گزیر
بلژیکین باشکندی برکسلده ترور تهدیدی سویهسینین ان یوکسک اولان 4-ا چیخاریلماسینین آردیندان شهرده حیات دایاندی.
پولیس، بیری بومبالی اولماسیندان شوبهه ائدیلن ان آز 2 نفری آختاریر.
قالابالیق اولماسییلا بیلینن شهر مرکزیندکی گراند پالاس میدانی آز قالا بوش، سلاحلی عسکر و پولیسلر دؤورهیه گزیر.
بروکسل بلدیه باشقانی یوان مایور، شهر مرکزیندکی بار و رستورانلارین یئرلی ساعاتلا 18.00'ده باغلانیلماسینی مصلحت گؤردو. پولیس، بار و رستورانلار گزهرک بو توصیه موضوعسوندا معلوماتلاندیرما ائتدی. خبردارلیغا چوخو کافه، بار و رستورانین اویغون گلدیگی، آچیق قالماغی سئچیم ائدنلرده ایسه دمک اولار کی، هئچ موشتری اولمادیغی موشاهیده ائدیلدی.
تخمینن بیر میلیون اهالییه صاحب اولان بروکسل، اوروپا بیرلیگی و ناتو مرکزلرینه ده ائو صاحبلیگی ائدیر.
اوروپا بیرلیگ کومیسیونونون اینسان قایناقلاریندان مسئول باشچی کؤمکچیسی کریستالینا جورجیئوا، توییتر حسابیندان ائتدیگی آچیقلامادا، اوروپا بیرلیگی پرسونلیندن خبردارلیقلارا دقت ائتمهلرینی ایستیرکن، کومیسیون سؤزچوسو مارگاریتیس شیناس، بلژیکلی مسئوللار ایله تماس حالیندا اولدوقلارینی بیلدیردی.