اوباما: روسیا و ایران قرار وئرمک مجبوریتینده
آمریکا پرزیدنتی، سوریهدهکی ایچ ساواشین، اسد اقتیداردان آیریلمادان سونلانمایاجاغینی قید ائتدی
آمریکا پرزیدنتی باراک اوباما، روسیا و ایرانین، سوریه دؤولت باشقانی بشار اسدی دستکلهمک ایستهییب ایستهمدیکلرینه قرار وئرمک مجبوریتینده اولدوغونو سؤیلهدی.
آسیا پاسیفیک اقتصادی امکداشلیق ذیروهسی اوچون فیلیپینین باشکندی مانیلادا اولان اوباما، کانادا باشباخانی جاستین ترودو ایله گؤروشوندن سونرا تشکیل ائدیلن مطبوعات کنفرانسیندا، روسیا و ایرانین، اسدی دستکلهمک یا دا مشروع بیر حؤکومتین قورولماسییلا "سوریه دؤولتینی قورتارماق" آراسیندا بیر سئچیم ائتمهسی لازیم اولدوغونو ایفاده ائتدی.
اسدین "یئنیدن مشروعتینی قازاناممایاجاغینی" وورغولایان اوباما، سوریهدهکی ایچ ساواشین، اسد اقتیداردان آیریلمادان سونلانمایاجاغینی قید ائتدی.
آمریکا پرزیدنتی اوباما، سوریه قونوسوندا سون دؤوردکی دیپلوماتیک چابالارین آماجینین، نهایت سیاسی گئچیشله نتیجهلنهبیلهجک سبیر آلان یارادیلماسی اولدوغونو ایفاده ائتدی.
اوباما آیریجا، آمریکایا سوریهلی کؤچمن آلینماسینا قارشی دوروش ایله گوانتانامو مرکزینین باغلانیلماسینا گؤستریلن دیرنیشی ایلیشکیلندیررک، یالنیز خریستیانلارین اؤلکهیه گیریشینین تامین ائدیلمهسینین، گوانتانامونون ایللرله ائتدیگی شکیلده مسلمانلاری یابانجیلاشدیراجاغینا ایشاره ائتدی.
باراک اوباما گوانتانامو مرکزینی، رادیکاللار اوچون "بؤیوک بیر آدام توپلاما آراجی" اولدوغونو قید ائتدی.
کانادا باشباخانی جاستین ترودو دا اؤلکهسینین، سوریه و عراقدا داعشه قارشی حیاتا گئچیریلن عملیاتلارین گوجلو بیر اورتاغی اولماغی داوام ائتدیرجیینی سؤیلهدی.