اوباما، کیستون XL نفت بورو خطی پروژه‌سینی وتو ائتدی
اوباما، " جان کری، اوزون آراشدیرما‌لار و چوخ گؤروشمه‌لردن سونرا، کیستون XL نفت بورو خطی‌نین، میللی ماراق‌لاریمیزا یارامایاجاغی نتیجه‌سینه واردیق‌لارینی بیلدیردی
آمریکا پرزیدنتی باراک اوباما، کیستون XL نفت بورو خطی پروژه‌سینی وتو ائتدی.
آمریکا سناتو و کونگره‌‌نین اونادیغی پروژه‌نی گئری چئویردیگینی آچیقلایان اوباما، کانادا‌دان مکزیک کؤرفزینه نفت داشییا‌جاق اولان کیستون XL آدلی بورو خطی‌نین چکیلمه‌سینی وتو ائتمه قرارینی، خاریجی ایشلر ناظیرلیگی و باشقا مسئول‌لار ایله چوخ دانیشیق‌لار ائتدیک‌دن سونرا آلدیغینی سؤیله‌دی.
وتو قرارینی، آغ ائوده باشقان کؤمکچی‌سی جو بایدن و خاریجی ایشلر ناظیری جان کرری ایله بیرلیکده آچیقلایان اوباما، " جان کری، اوزون آراشدیرما‌لار و چوخ گؤروشمه‌لردن سونرا، کیستون XL نفت بورو خطی‌نین، میللی ماراق‌لاریمیزا یارامایاجاغی نتیجه‌سینه واردیق‌لارینی بیلدیردی. من ده بو قرارا راضییام. بو سحر کانادا باش ناظیری ژوستین ترودو ایله ده دانیشیب قراریمی بیلدیردیم. اؤزونون خیال قیریق‌لیغینا اوغرادیغینی ایفاده ائتدی، ایکی اؤلکه آراسیندا انرژی و ایقلیم دییشیک‌لیک‌لری موضوعلارینی دا ایچه‌رن چوخ یؤنلو امکداش‌لیق اولا‌بیله‌جگی موضوعسوندا اوزلاشدیق "دئدی.
کیستون نئفت بورو خطی‌نین، ایللر بویونجا آمریکا سیاستینده شیشیردیلمیش بیر شکیلده موذاکیره موضوعسو اولدوغونو ایضاح ائدن اوباما، بورو خطی‌نین ایقتیصادا اوزون مدت‌لی بیر قاتقی تامین ائتمه‌یه‌جگینی سؤیله‌دی.
اوباما، کونگره‌ده ایکی پارتی‌نین بیرگه اوزلاشاجاغی بورو خطین‌دن 30 قات داها چوخ ایستیخدام تامین ائده‌جک پلان‌لارین اله آلینماسی لازیم اولدوغونو قید ائتدی.
ایلگیلی‌لی خبرلر
ژاپندا شدتلی یاغیشلار سببی ایله ۶ نفر حیاتینی ایتیردی
ژاپونون نوتو و سوزو بؤلگه‌لرینده شدتلی یاغیشلار نتیجه‌سینده سئل و تورپاق سوروشمه‌سی میدانا گلدی
