آمریکا سوریه و عراقدا قارا حرکاتی ائدهجک
کارتر، آمریکا سناتوسو سلاحلی خیدمتلر کومیتهسینده تشکیل ائدیلن "اورتا شرقده نیظامی استراتژی" آدلی ایجلاسدا سناتورلار سواللارینی جوابلادی
آمریکا ساوونما ناظیری اشتون کارتر، سوریه و عراقدا، ترور تشکیلاتی داعش ایله موباریزهنین یوغونلاشدیریلاجاغینی سؤیلهیهرک، اولا بیلهجک بیر قارا حرکاتینین دا سیگناللارینی وئردی.
کارتر، آمریکا سناتوسو سلاحلی خیدمتلر کومیتهسینده تشکیل ائدیلن "اورتا شرقده نیظامی استراتژی" آدلی ایجلاسدا سناتورلار سواللارینی جوابلادی.
آمریکالی ناظیر، داعش ایله موباریزهده ساحهدکی اورتاقلاری داها چوخ دستکلهیهجکلرینی، بعضن ده بو جور وظیفهلری قارادا حرکت یولو ایله بیرباشا اؤزلرینین ائدهبیلهجگینی ایفاده ائتدی.
کارتر، داعشه قارشی وئریلن موباریزهده بعضی یئنی بوللارا گئتمک ایله، اؤلکهسینین و کوالیسیون گوجلرینین سالدیریلارینی آرتیراجاقلارینی، خصوصیله راککا، انبار و رمادی شهرلرینده عملیاتلارین داها دا شیددتلنهجگینی ایفاده ائتدی.
جنوبدا ایسه اوردون ایله امکداشلیغی گوجلندیرمگی پلانلادیقلارینی آچیقلایان اشتون کارتر، داعشه عاید داها قیمتلی هدفلره و تشکیلاتین اهمیتلی فینانس قایناقلاری اولان نفت موسسیسهلرینه سالدیری دوزنلهیهجکلرینی قید ائتدی.
کارتر، داعشه قارشی وئریلهجک موباریزه چرچیوهسینده عراق حکومتینه دستک اولاراق اوردونون گوجلنمهسینه کؤمک ائدهجکلرینی ایفاده ائدهرک؛
"لاکین عراق حکومتی و گوونلیک گوجلرینین ده داها دقیق آددیملار آتاراق ایرهلیلمهده اولمالاری لازیمدیر" دئیه دانیشدی.