اوروپا بیرلیگی گؤچمن بحرانینا حل یولو آختاریر
یونکر، سینیرلارداکی گوونلیگین آرتیریلماسی لازیم اولدوغونو وورغولادی
اوروپا بیرلیگی گؤچمن بحرانینا حل یولو آختاریر ...
اوروپا بیرلیگینه عضو 11 اؤلکه و بالکان لیدری‌نین بروکسل‌ده بیر آرایا گلدیگی ایجلاس‌دا، گؤچمن‌لرین مسیر‌لری اوزرینده، 100 مین نفرلیک دوشرگه‌لر قورولماسینا قرار وئریلدی.
ایجلاس‌دا، تورکیه ایله ایشین اهمیتینه ده توخونولدو.
ایجلاسین آردین‌دان، اوروپا بیرلیگی کومیسیونو باشقانی ژان کلود یونکر، آلمانیا باش ناظیری آنگلا مرکل و بیرلشمیش میللت‌لر تشکیلاتی‌نین قاچقین‌لار ایله باغلی عالی کومیساری آنتونیو گوتراس اورتاق مطبوعات کونفرانسی تشکیل ائتدی.
یونکر، سینیرلارداکی گوونلیگین آرتیریلماسی لازیم اولدوغونو وورغولادی.
گؤچمن‌لری زورلایان الوئریش‌سیز هاوا شرایطینه دقت چکن یونکر، یونانیستان و مسیر بویونجا یئرلشن بالکان اؤلکه‌لرینده، 100 مین نفرلیلک دوشرگه‌لرین دؤوره‌یه گیره‌جگینی آچیقلادی.
آلمانیا باش ناظیری مرکل ده بحرانی داها یاخشی ایداره ائده بیلمک اوچون قیسا زماندا، اؤلکه‌لر آراسین‌داکی کووردیناسیونون گوچلندیریله‌جگینی و هر اؤلکه‌نین بیر آدامی بو ایشله وظیفه‌لندیره‌جگینی وئرمیشدیر.
مرکل، اورتا مدت‌لی حل‌لر آراسیندا تورکیه ایله ایشه وورغو ائتدیک‌لرینی ایفاده ائتدی.
پروبلمین حلّی اوچون بوتون اوروپا اؤلکه‌لری‌نین امکداش‌لیق ائتمه‌سی لازیم اولدوغونو ایفاده ائدن گوتراس دا، بونون بیر سئچیم دئییل ضرورت اولدوغونو وورغولادی.
ایجلاس سونوندا نشر اولونان 17 ماده‌لیک بیاننامه‌ده، اؤلکه‌لر آراسیندا بیلگی موبادیله‌سی و علاقه‌نین آردیلماسی قرارلاشدیریلدی.
' مرز کونترولو ' ماده‌سی آلتیندا دا تورکیه ایله امکداشلیغین اهمیتینه توخونولوب.
بیاننامه‌ده مرزلرده گوونلیک گوج‌لری‌نین آرتیریلماسی و اورتاق کونترول موضوعلاری دا یئر آلدی. دیگر طرف‌دن، یول‌لارا دوشن گؤچمن‌لار بالکان‌لار اوزرین‌دن اوروپانین ایچلرینه ایره‌لیلمه‌یه چالیشیر.
سون بیر هفته‌ده، 64 مین‌دن چوخ قاچقین اسلوونی‌یه گیردی.
اولوسلار آراسی گؤچ تشکیلاتی، بوتون اوروپا اؤلکه‌لرینه گیرن گؤچمن سایسی‌نین ایسه 680 مینی آشدیغینی آچیقلادی.
بون‌لاردان 160 مینینی بیللی سهمیه‌‌لر ایچینده عضو اؤلکه‌لره داغیتما‌دان راضیلاشان اوروپا بیرلیگی بو آنا قدر یالنیز 86 گؤچمن یئرلشدیره‌بیلدی!
یاخین‌لاشان قیش شرط‌لری اوزون‌دن، اوروپا مرزلری ایچینده بؤیوک بیر اینسان‌لیق درامی یاشانیر.
باهارلا بیرلیکده گؤچمن آخی‌نین‌دان آرتیم گؤزله‌ین اوروپا‌لی لیدرلر پروبلمی بیر آن اوّل حلّ ائتمه‌یه چالیشیر.
