روسیادان آمریکایا سوریه مئساژی
سئرگی لاوروو، سوریهده داوام ائدن ترورا قارشی آمریکا ایله ارتباطا حاضیر اولدوقلارینی بیلدیردی
398864
روسیا خاریجی ایشلر باخانی سئرگی لاوروو، سوریهده داوام ائدن ترورا قارشی آمریکا ایله ارتباطا حاضیر اولدوقلارینی بیلدیردی.
سوریهدهکی سیاسی اولوشوم سورهجیندن اومودلو اولدوقلارینی ایفاده ائدن لاوروو، سوریهده پارلمان و پرزیدنت سئچیملرینین سیاستین بیر پارچاسی اولاراق گؤرولمهسی لازیم اولدوغونو سؤیلهدی.
لاوروو، موسکوانین تروریستلره قارشی اؤزگور سوریه اوردوسونو و تروریستلره قارشی ساواشان مخالیف قروپلاری دستکلمهیه حاضیر اولدوغونو دا سؤزلرینه علاوه ائتدی.
روسیا و آمریکا، سوریه هاوا ساحهسینده ساواش اوچاقلارینین قارشیلاشماسینی انگللمک اوچون آنلاشما ایمضالامیشدی.
اؤته یاندان، روسیا خاریجی ایشلر باخانی سئرگی لاوروو، روسیا دؤولت کانالینا وئردیگی آچیقلامادا، روسیا و مصرین سوریهدهکی عملیاتلاردا امکداشلیق ائدجیینی بیلدیردی.