میانماردا اوردو ایله عصیانچیلار آراسین‌داکی آتشکس ایمضالاندی

گونئی دوغو آسیا اؤلکه‌لرین‌دن میانماردا اوردو ایله عصیانچی تشکیلات‌لار آراسین‌داکی چاتیشما‌لارین سونا چاتماسی اوچون اهمیت‌لی بیر مرحله آشیلدی.
بیر میز اطرافیندا توپ‌لانان حکومت ایله عصیانچی تشکیلات‌لارین چوخو، آتشکس راضیلاشماسی ایمضالادی.
آنلاشمایا اؤلکه‌دکی 15 اتنیک عصیانچی تشکیلات‌دان 8-ی ایمضا قویدو.
7 اتنیک قروپ ایسه حکومتله راضیلیغا یاناشمادی.
اؤلکه‌دکی چاتیشما‌لاری بیتیرمک اوچون طرف‌لر آراسیندا 2 ایلدیر دانیشیق‌لار ائدیلیردی.
دولت باشقانی تین سین، اولوسلار آراسی جمعیت طرفین‌دن سیاسی اصلاحات‌لارین اهمیت‌لی بیر کیلومتر داشی اولا‌راق گؤرولن 8 نوامبر سئچیم‌لرین‌دن اوّل راضیلیغا گلینمه‌سی اوچون چوخ چابا صرف ائتدی.
عصیانچی‌لار ایله چین مرزی یاخینلیغیندا چوخالان چاتیشما‌لار سببیله اون مین‌لرله وطنداش یئر دییشدیرمیشدی.
میانما رهبرلیگیله عصیانچی‌لار آراسین‌داکی 17 ایللیک آتشکس، ژوئن 2011-جی ایلده سونا چاتمیشدی.