آمریکا، روسیا ایله گؤروشمهنی رد ائتدی
آغ ائو سؤزچوسو جاش ارنست؛ - "چوخ دقیق اولماق لازیم اولسا، روسلار داعشه قارشی وئریلن موباریزهده مثبت آددیملار آتمادیغی مدتجه، اونلارلا گؤروشمک کیمی بیر نیّتیمیز یوخدور" ایفادهلرینی ایستیفاده ائتدی
آمریکا، روسیا ایله گؤروشو رد ائتدی.
آمریکا رهبرلیگی، سوریهدکی گلیشمهلر اوزرینه روسیا باش ناظیری دمیتری مدودئوین باشقانلیق ائتدیگی نماینده هیاتی ایله گؤروشو رد ائتدی.
آغ ائو سؤزچوسو جاش ارنست؛
- "چوخ دقیق اولماق لازیم اولسا، روسلار داعشه قارشی وئریلن موباریزهده مثبت آددیملار آتمادیغی مدتجه، اونلارلا گؤروشمک کیمی بیر نیّتیمیز یوخدور" ایفادهلرینی ایستیفاده ائتدی.
روسیانین سوریهده اؤز فرقلی آژاندالاری ایستیقامتینده حرکت ائتدیکلرینی ایفاده ائدن ارنست، روسلارین آمریکا رهبرلیگی ایله گؤروش طلب ائتمهلرینه تعجبلنمدیگینی ایفاده ائتدی.
جان ارنست، اؤلکهسینین، ایسرائیل-فیلیسطین آراسیندا سون گونلرده آرتان شدت حادثهلریندن درین ناراحاتلیق دویدوغونو دا آچیقلادی.
هفتهلیک مطبوعات کونفرانسیندا، بؤلگهده آرتان شدته دقت چکن ارنست؛
- "یاشانان شدت و گوناهسیز اینسانلارین اؤلمهسی درین ناراحاتلیق یارادیر" دئیه دانیشدی.
آغ ائو رهبرلیگینین هم ایسرائیل هم فیلیسطینلی مسئوللارلا اونسیت ایچینده اولدوغونو وورغولایان ارنست؛
- "هر ایکی طرفه باسقینین آشاغی چکیلمهسی و سوکونتین تامین ائدیلمهسی اوچون لازیم اولان آددیملاری آتمالاری ایستیقامتینده خبردارلیقلار ائتدیک" دئدی.
آغ ائو سؤزچوسو، خاریجی ایشلر ناظیری جان کری یاخین بیر گلهجکده بؤلگهنی زیارت ائتمگی پلانلادیغینی ایفاده ائتدی.