فرانسوا اوللاند و ولادیمیر پوتین سوریه قونوسونو گؤروشه‌جک
اسد گوجلری‌نین شیمیایی سلاح ایستیفاده‌سی‌نین اؤنونه کئچیلمه‌سی موضوعسوندا دا فرانسا، روسیانین دستگینی ایسته‌یه‌جک
فرانسا پرزیدنتی فرانسوا اوللاند، روسیا دولت باشقانی ولادیمیر پوتین ایله سوریه ایله علاقه‌دار سون اینکیشاف‌لاری قیمتلن‌دیره‌جک.
گؤروشمه، بو گون فرانسانین باشکندی پاریس‌دکی الیزا ساراییندا رئاللاشا‌جاق.
فرانسیز دیپلوماتیک قایناق‌لارا گؤره، گؤروشمه‌ده اوللاند، پوتین‌دن، روسیانین، سوریه‌ده یالنیز ترور تشکیلاتی داعشی وورماسینی ایسته‌یه‌جک.
اسد گوجلری‌نین شیمیایی سلاح ایستیفاده‌سی‌نین اؤنونه کئچیلمه‌سی موضوعسوندا دا فرانسا، روسیانین دستگینی ایسته‌یه‌جک.
سوریه‌ده، اسدین وظیفه‌دن آیریلماسینی نظرده توتان بیر سیاسی کئچید دؤورو باشلادیلماسی دا، پاریس‌ین ایستک‌لری آراسیندا یئر آلا‌جاق.
بو آرادا، آلمانیا باش ناظیری آنگلا مرکل، دونیا لیدرلرینی سوریه‌دکی ایچ ساواشی دایان‌دیرماق اوچون بیرلیکده ایشه دعوت ائتدی.
آلمانیانین بیرلشمه‌سی‌نین 25ینجی ایلدؤنومو سببیله هاگ‌لی شهرینده دانیشان مرکل، بو ایشلرین یالنیز روسیا ایله امکداش‌لیق ائدیلمه‌سی حالیندا موفقیته چاتاجاغینی وورغولاییب.
اوروپانی مجبور ائدن قاچقین بحرانینا دا توخونان آلمانیا باش ناظیری، بو پروبلمین حلّی اوچون زامانا و صبره احتیاج اولدوغونو سؤیله‌دی.
مرکل، بونون یالنیز آلمانیانین یا دا اوروپانین حل ائتمه‌سی لازیم اولان بیر پروبلم دئییل قلوبال بیر پروبلم اولدوغونو ایفاده ائتدی.
