اوباما و پوتین تاریخی ایجلاسدا گؤروشدو
ایکی ایل آرادان سونرا ایلک دفعه اوز-اوزه گلن لیدرلر، سوریهده سیاسی حل موضوعسوندا راضیلاشدی، اسدین عاقیبتی موضوعسوندا ایسه راضیلیق تامین ائدیله بیلمهدی
اوباما و پوتین تاریخی ایجلاسدا بیر آرایا گلدی.
آمریکا لیدری باراک اوباما، بیرلشمیش میللتلر تشکیلاتینین عمومی قورولونون ایجلاسی اوچون نیویورکدا اولان روسیا دولت باشقانی ولادیمیر پوتین ایله گؤروشدو.
ایکی ایل آرادان سونرا ایلک دفعه اوز-اوزه گلن لیدرلر، سوریهده سیاسی حل موضوعسوندا راضیلاشدی، اسدین عاقیبتی موضوعسوندا ایسه راضیلیق تامین ائدیله بیلمهدی.
گؤروشمهده، سوریه بحرانینین یانیندا اوکراین پروبلمی، ایران نوکلئر راضیلاشماسی و ایکیطرفلی علاقهلر ده مذاکیره ائدیلدی.
1.5 ساعات داوام ائدن گؤروشو چوخ فایدالی اولاراق حسابلایان روسیا دولت باشقانی پوتین، ایکی اؤلکه آراسینداکی علاقهلرین آشاغی سویهده گئتدیغینی ایفاده ائتدی و واشینگتون ایله علاقهلری تعمیر حاضر اولدوقلارینی سؤیلهدی.
روسیا دولت باشقانی، داعشه قارشی "داها گئنیش بیر ترورلا مباریزه کوالیسیونو یارادیلماسی لازیم اولدوغونو" ایفاده ائتدی.
پوتین، روسیا اوردوسونون سوریهده داعشه هاوا عملیاتینا حاضیرلانیب حاضیرلانمادیغی سوالینا، "هر شئی اولابیلهجک. اما بیر شئیلر ائدهجک اولساق، تامامیله اولوسلار آراسی حقوق نورمالارینا گؤره حرکت ائدهجگیک "جوابینی وئردی.
"ترورچولارلا اوز-اوزه ووروشان سوریه" ایله داعش علیهداری کوالیسیونون امکداشلیق ائتممهسینین چوخ بؤیوک بیر سهو اولدوغونو وورغولایان پوتین، بمت گوونلیک شوراسینین کوالیسیونا اسد و ایرانی دا داخیل ائتمهسی لازیم اولدوغونو سؤیلهدی.
روس لیدر، سوریهدکی قارا عملیاتلارینا روس عسکرلرین قاتیلمایاجاغینی دا آچیقلادی.