اولاند، مراکش کرالی 6. محمد ایله گؤروشدو
اولاند، گؤروشمه اولینده ژورنالیستلره ائتدیگی آچیقلامادا، ایکی اؤلکه آراسینداکی امکداشلیغین یئنی بیر مرحلهیه کئچمهسینی خواهیش ائتدیگینی سؤیلهدی
فرانسا پرزیدنتی اولاند، مراکش کرالی 6. محمد ایله بیر آرایا گلدی.
مراکشه ایکی گونلوک زیارت رئاللاشدیران اولاند، 6. محمد ایله تانجا شهرینده گؤروشدو.
اولاند، گؤروشمه اولینده ژورنالیستلره ائتدیگی آچیقلامادا، ایکی اؤلکه آراسینداکی امکداشلیغین یئنی بیر مرحلهیه کئچمهسینی خواهیش ائتدیگینی سؤیلهدی
تخمینن ایکی ایل اوولکی مراکش زیارتیندن بو یانا ایکی اؤلکهنین بؤیوک اینکیشافلار قید ائتدیگینی ایفاده ائدن اولاند؛
- "بو زیارته اولوسلار آراسی بیر اؤلچو قازاندیرماق ایستییریک. چونکی، مراکش و فرانسا آفریقادا امکداشلیق ائده بیلهجک، ترورلا مباریزه ائده بیلهجک ایرادهیه صاحب" دئدی
فرانسا جمهور باشقانینا، مراکش سفری زامانی بئش باخان ایله فرانسانین مشهور شیرکتلرینین رهبرلری یولداشلیق ائدیر.
بو آرادا، مراکش و فرانسا آراسیندا "فرانسیز ایماملارین تحصیلی" موضوعسوندا امکداشلیق راضیلاشماسی ایمضالاندی.
مراکش رسمی آژانسی MAP،ین خبرینه گؤره، فرانسا خاریجی ایشلر و اولوسلار آراسی اینکیشاف باخانی لورنت فابیوس ایله مراکش وقفلر و دین ایشلری باخانی احمد توفیق، "فرانسیز ایماملارین فاسداکی تحصیلی" چرچیوهسینده ایکیطرفلی امکداشلیق موقاویلهسی ایمضالادی.