آمریکا کونگرهسیندن اوبامایا نوکلئر دستک
کونگرهده ایران ایله 5 + 1 اؤلکهلری آراسینداکی نوکلئر آنلاشمانی دستکلهین سناتورلار سایسی 34ه یوکسلدی
آمریکا کونگرهسیندن اوبامایا نوکلئر دستک
آمریکا جمهورباشقانی باراک اوباما، ایران ایله نوکلئر آنلاشمانی سنادان کئچیرمک اوچون کافی ساییا چاتدی.
کونگرهده ایران ایله 5 + 1 اؤلکهلری آراسینداکی نوکلئر آنلاشمانی دستکلهین سناتورلار سایسی 34ه یوکسلدی.
دموکرات پارتی مریلند سناتورو باربارا میکولسکی، ایران ایله غرب اؤلکهلری آراسیندا اوتریشین باشکندی وینده ژوئیه آییندا ایمضالانان نوکلئر آنلاشمانی دستکلهیهجگینی آچیقلادی.
کونگرهنین ایران ایله 5 + 1 اؤلکهلری آراسیندا الده ائدیلن سون نوکلئر آنلاشمانی نظردن کئچیرمه پروسهسی 17 سپتامبردا دولاجاق.
آمریکا جمهورباشقانی اوباما، کونگرهدن آنلاشمانی رد ائدن بیر پروژه کئچسه بونو وتو ائدهجگینی سؤیلهمیشدی. آنجاق، کونگرهنین ایکی قانادینین دا بئله بیر پروژهنی 3-ده 2 اکثریتله کئچیرمهسی حالیندا اوبامانین وتو صلاحیتی قالخیردی. آنجاق میکولسکینین دستگی اوباما، سناتودا وتوسونو قورویاجاق کافی ساییا چاتمیش اولدو.
وتوسونو قوروماق اوچون 100 صندللی سناتودا 34 سناتورو دستگینی اوباما ایندیدن قازانمیش اولدو. دموکراتلارین 435 صندللی نمایندهلر مجلیسینده ده 188 عضوو وار. آنجاق نمایندهلر مجلیسی و سناتودا اکثریتی الینده ساخلایان جمهوریتچیلرین یانیندا بعضی دموکراتلار دا نوکلئر راضیلاشماغا شوبهه ایله یاخینلاشیر.