اؤلکهلردن قاچان مینلرله اینسان، دالغا دالغا اوروپا اؤلکهلرینه
یالنیز بیر گونده مقدونیهدن صربیستانا کئچنلرین سایسی مینلرله ایفاده ائدیلیر
سوریه، افغانیستان و عراق کیمی اؤلکهلردن قاچان مینلرله اینسان، دالغا دالغا اوروپا اؤلکهلرینه آخیر.
3 گون عرضینده یونانیستان سرحدینی باغلایان مقدونیه، اینسان دالغاسی ایله باش ائدهبیلمیینجه سرحدی آچدی.
مقدونیه-یونانیستان مرزینده بؤیوک بیر گؤچمن قالابالیغینین یاشاندیغی گئوگلی شهری اؤلکهیه گیرن کؤچکونلرین قطار و اوتوبوسلارلا صربیستان مرزیندکی تابانووتسهیه حرکت ائتمهسینین آردیندان بوشالدی.
یالنیز بیر گونده مقدونیهدن صربیستانا کئچنلرین سایسی مینلرله ایفاده ائدیلیر.
صربیستانا گئچنلردنسه 3 گون ایچینده اؤلکهنی ترک ائتمگی طلب اولونور.
ماجاریستان، شنگن اؤلکهسی اولدوغوندان، صربیستاندان ماجاریستانا کئچنلر، اوروپا بیرلیگی اؤلکهلری ایچینده راحتجا دولاشابیلیر.
قاچاق گؤچمن دالغاسینین یاخیندا آلمان، فرانسا کیمی اؤلکهلره چاتما احتیمالی، باشکندلری ده حرکته کئچیردی.
فرانسا جمهورباشقانی فرانسوا اولاند، آلمان باش ناظیری آنگلا مرکل ایله بیر آرایا گلهرک، قاچاق گؤچمنلری هانسی اؤلکهنین نه قدر قبول ائدهجگینی اله آلاجاق.