بیرلشمیش میلت‌لر 70 یاشیندا
بان کی موون، دونیا‌داکی بوتون سیغینماچیلارا "یالنیز دئییلسینیز" مئساژی وئردی
بیرلشمیش میلت‌لر تشکیلاتی 70.جی یاشینی قوتلادی.
بیرلشمیش میلت‌لر تشکیلاتی‌نین باش کاتیبی بان کی موون، آمریکا نین سان فرانسیسکو شهرین‌دکی قوتلامادا، بوتون دونیا‌داکی سیغینماچیلارا "یالنیز دئییلسینیز" مئساژی وئردی.
بان، "بیرلشمیش میلت‌لر تشکیلاتی بوتون اینسان‌لارین اومودو و ائوی‌دیر. سیغینماچی کمپ‌لرینه گئتدیگیمده اورا‌داکی اینسان‌لارا بونو دئییرم: یالنیز دئییلسینیز. بیرلشمیش میلت‌لر تشکیلاتی یانینیزدا"دئیه دانیشدی.
1945.جی ایلده ایمضا‌لانان بیرلشمیش میلت‌لر تشکیلاتی‌نین سؤزلشمه‌سی‌نین حاضرلیق پروسه‌سی‌نین قوتلو بیر باشلانقیج اولدوغونو سؤیله‌ین بان، اونلارجا اؤلکه‌نین اینسان‌لیق اوچون بیرلشمیش میلت‌لر تشکیلاتی‌نین چاتیسی آلتیندا بیر آرایا گلدیگینی وورغولادی.
قورولدوغو ایللرده 51 عضوه صاحب اولان و حاضردا عضو ساییسینی 193 اؤلکه‌یه چیخاران بیرلشمیش میلت‌لر تشکیلاتی‌نین قورولوش ایل‌دؤنومو قوتلانماغا داوام ائدیر.
