دونیانین ان بؤیوک بانکلاریندان بئشینه رکورد جزا
آچیقلامادا، بانکلارین نظارتچی تشکیلاتلارا جمعده 5،6 میلیارد دولار جزا اؤدیهجگی ائشیتدیریلدی
دونیانین ان بؤیوک بانکلاریندان بئشینه رکورد جزا
آمریکا بیرلشیک دولتلری بانکلارا سوی-ایستیفاده ائتدیکلری سببی ایله تخمینن 6 میلیارد دولار پول جزاسی وئریلدی.
آمریکا بیرلشیک دولتلری عدلیه ناظیرلیگی و مرکزی بانکی (Fed) طرفیندن ائدیلن یازیلی آچیقلامایا گؤره، دونیانین ان بؤیوک بانکلاری آراسیندا یئر آلان سیتیقروپ، جی پی مورگا چیس، بارکلیس، سوئیس مرکزلی یو. بی. اس ، رویال بانک آو اسکاتلند قلوبال ارز بازارلاریندا مانیپولاسیون ائتدیکلرینه باغلی اتهاملارینی قبول ائتدی.
آچیقلامادا، بانکلارین نظارتچی تشکیلاتلارا جمعده 5،6 میلیارد دولار جزا اؤدیهجگی ائشیتدیریلدی.
بانکلارین، گوندهلیک عملیات حجمی 5 تریلیون دولاری آشان قلوبال ارز بازارلاریندا، 2007-2013 ایللری آراسیندا بیر-بیرلریله گیزلیجه ایشتیراک ائدهرک، ارز کورلارینی اؤز منفتلری ایستیقامتینده مانیپولاسیون ائتدیگی ایفاده ائدیلدی.
آمریکا بیرلشیک دولتلری عدالت ناظیری لورئتان لینچ، بانکچیلاری 2007-جی بو یانا آز قالا هر گون خصوصی بیر الکترون صحبت اوتاغیندا ارز کورلارینی مانیپولاسیون ائتدیگینی سؤیلهدی.
لینچ بو وضعیتین، دونیانین بیر چوخ یئریندکی سایسیز توکهتیچی، سرمایهچی و تشکیلاتا ضرر وئردیگینی ایفاده ائتدی.
بو آرادا، بانک اوف آمریکانین آیری بیر اوروشدورما چرچیوهسینده Fed-ین 205 میلیارد دولار آنولاشما بدلی اؤدیهجگی آچیقلاندی.
بانک اوف آمریکا، آمریکا بیرلشیک دولتلری عدالت ناظیرلیگینین دیگر 5 بانک اوچون آچدیغی سوروشدورمایا داخیل ائدیلمهدی.