آنگلا مرکل: آمریکا ایله آلمان آراسیندا معلومات مبادیله‌سی داوام
مرکل، دوست‌لارین بیر-بیرلرینه قارشی جاسوسلوق ائتمه‌لرینی دوغرو اولمادیغینی وورغولادی
آلمانیا باش ناظیری آنگلا مرکل، آمریکا میللی گوونلیک آژانسی‌نین (NSA) آلمان فدرال کشفیات تشکیلاتینی (BND) ایستیفاده ائده‌رک اوروپا بیرلیگی ایچین‌دکی بعضی اؤلکه‌لری و اوست سویه مامورلاری دینلمه‌سی ادعا‌لارینا باغلی قیمتلندیرمه ائتدی.
آمریکا ایله موضوعیا باغلی معلومات مبادیله‌سی‌نین داوام ائتیگینی ایفاده ائدن مرکل، دوست‌لارین بیر-بیرلرینه قارشی جاسوسلوق ائتمه‌لرینی دوغرو اولمادیغینی وورغولادی.
آلمان کشفیاتینی نظارت ائده بیلدیک‌لرینی و بونون چوخ اهمیت‌لی اولدوغونو ایفاده ائدن مرکل، دیگر طرف‌دن، گیزلی خیدمت‌لرین وظیفه‌لری‌نین، گوونلیگین تامین ائدیلمه‌سی اوچون، گیزلی قالماق مجبوریتینده اولدوغونو سؤیله‌دی.
مرکل، رسمی بیر زیارت اوچون اؤلکه‌سینده اولان چک جمهوریتی باش ناظیری بوهوسلاو سوبوتکا ایله تشکیل ائتدیگی اورتاق مطبوعات کونفرانسیندا؛
- "گوونلیک و آزادلیق آراسیندا هر زامان بیر گرگین‌لیک وار و بیز بونو هر زامان یاشایاجاغیق" دئیه دانیشدی.
چک جمهوریتی باش ناظیری سوبوتکا ایسه ژانویه آیین‌داکی پاریس سالدیریلاریندان سونرا، کشفیات سرویسی‌نین توتومونو و مسئول‌لارینی آرتیردیق‌لارینی ایفاده ائده‌رک، پارلامنتین بو فعالیت‌لر اوزرین‌دکی نظارت مکانیزم‌لرینی آرتیرماغی دا دوشوندوک‌لرینی ایفاده ائتدی.
ایلگیلی‌لی خبرلر
ژاپندا شدتلی یاغیشلار سببی ایله ۶ نفر حیاتینی ایتیردی
ژاپونون نوتو و سوزو بؤلگه‌لرینده شدتلی یاغیشلار نتیجه‌سینده سئل و تورپاق سوروشمه‌سی میدانا گلدی
