تایمز میدانیندا شهید تورک دیپلومات‌لار آنیلدی
ییخیلان بینا‌لارین داغینتی‌لاری آلتیندا چوخ سایدا آدام وار، بو سببله اؤلو سایسی‌نین آرتماسین‌دان قورخولور
تایمز میدانیندا شهید تورک دیپلومات‌لار آنیلدی
آمریکانین نیویورک شهرینده، 1915 حادثه‌لری ایله باغلی ادعا‌لارا قارشی "ارمنی یالان‌لارینا سون و شهید دیپلومات‌لاریمیزین آنما میتینگی" تشکیل ائدیلدی.
گنج تورک‌لر (Young Turks) درنگی‌نین تشکیل ائتدیگی و آذربایجانلیلار جمعیتین‌دن نماینده‌لرین ده قاتیلدیغی تایمز میدانینداکی گؤستریده، تورک و آذربایچان بایراق‌لاری دالغالاندی و 1974-1984 ایللری آراسیندا ارمنی تروریستلرینجه شهید ائدیلن تورک دیپلومات‌لاری‌نین آدلاری اوخوندو.
میتینگی تشکیل ساحه‌نین قارشی‌سین‌داکی بینادا آسیلی اولان، ایستانبول فوتوشکی‌لی‌نین اوزرینده "Partner in Peace: #Next100Years (باریشدا اورتاق: # گئله‌جک100ایل) یازیلی بویوک رکلام لوحه‌سی دقتی چکدی.
تورک هارس بیرلیگی فخری باشقانی ابراهیم قورتولوش، ارمنیستان و ارمنی دیاسپورونا "نفرتینیز آرتیق یئتر!" دئیه‌رک سسلندی.
ارمنی خالقی‌نین داواملی زرر اوغرامیش بیر خالق کیمی تصویر ائدیلمه‌یه چالیشیلدیغینی ایفاده ائدن قورتولوش، گئرچکده ارمنی‌لرین عثمانلی ایداره‌سین‌دکی 600 ایل بویونجا کیلسه‌لرینی، دیل‌لرینی و هویت‌لرینی محافظه ائتدیگینی و تورکیه جمهوریتینده ده بونا داوام ائتدیگینی وورغولادی.
قورتولوش، ارمنی دیاسپورونون اساس هدفی‌نین تورکیه جمهوریتینی یوخ ائتمک اولدوغونو دیله گتیردی.
گنج تورک‌لر درنگی باشقانی تولگا تکمان ایسه، تورک-آمریکان جمعیتی اولا‌راق تورکیه‌نین باریشا اینانان و حؤرمت‌لی بیر تاریخه صاحب اؤلکه اولدوغونو هر فورصتده ایضاح ائتمه‌یه داوام ائده‌جک‌لرینی قید ائتدی.
