اکینچیلر انتحار ائدیر
سون هفتهلرده اونلارجا اکینچی، اکین یئرلرینی سئل باسماسی اوزوندن انتحار ائتدی
237091
هیندیستاندا، اکینچیلرین اکدیکلری بوغدا ایله بورجلارینی اؤدمک اوچون بوتون ایل گؤزلدیکلری آوریل آیی بو دفعه فاجعه گتیردی.
اؤلکهنین قوزئیینده سون هفتهلرده اونلارجا اکینچی، اکین یئرلرینی سئل باسماسی اوزوندن انتحار ائتدی.
بورج صاحبلرینین یوز مینلرجه اکینچینین قاپیسینا دایانماسی اوزرینه بورجلارینی اؤدهیهممهین اکینچیلرین بیر چوخو، حیاتینا سون وئردی.
یالنیز اوتار پرادش ایالتینده 2 هفته ایچینده انتحار ائدن اکینچیلرین ساییسی 40 نفری گئچدی.
اوتار پرادش، پنجاب و هاریانا ایالتلرینده یالنیز بوغدا دئییل، سوغان، یئر آلماسی و گؤیرتی تارلالاریندا دا محصول قالمادی.
ایالت یؤنتیملری اکینچیلره آز دا اولسا کؤمک ساغلاییب بورج ارتهلمه یولونا گئدرکن، حکومتدن قایناق کؤچورولمهسی اوچون ده حرکته گئچدی.