اولوسلار آراسی عفو تشکیلاتی محمد قمرالزمانا وئریلن اعدام جزاسی
اؤرگوتون بنگلادش آراشدیرماچی‌سی عباس فایز، "قمرالزمانین اعدام ائدیلمه‌سینی قیناییریق. اوّلجه بو، اینسان حاق‌لاری‌نین پوزولماسی‌دیر
بنگلادش‌ده، اعدام جزاسی شنبه گونو اعدام ائدیلن جماعت ایسلامی پارتیسی باش کاتیبی‌نین معاوینی محمد قمرالزمان اوچون اعتراض داوام ائدیر.
بیر قیناما مساژی یاینلایان اولوسلار آراسی عفو تشکیلاتی، اولوسلار آراسی جمعیتین اؤلکه‌دکی دیگر اعدام جزا‌لاری‌نین تاخیره سالینماسی اوچون بنگلادش حکومتینه باسقی ائتمه‌سی لازیم اولدوغونو بیلدیردی.
اؤرگوتون بنگلادش آراشدیرماچی‌سی عباس فایز، "قمرالزمانین اعدام ائدیلمه‌سینی قیناییریق. اوّلجه بو، اینسان حاق‌لاری‌نین پوزولماسی‌دیر. عفو تشکیلاتی، اعدام جزا‌لارینا و بونلارین ایجرالارینا تامامیله قارشی‌دیر" دئدی.
بنگلادش حکومتی طرفین‌دن، 1971دکی مستقیل‌لیک ساواشی اثناسیندا ایشلنن جینایت‌لرین آراشدیریلماسی اوچون 2010-جی ایلده قورولان اولوسلارآراسی ساواش جینایت‌لری محکمه‌سی، 2013-جی ایلین می آییندا، حاقین‌داکی یئددی اتهامین بئشین‌دن گوناهکار گؤرولدوغو قمرالزمانی اعدام جزاسینا محکوم ائتمیشدی.
عالی محکمه، قمرالزمانین شیکایت طلبینی رد ائتمیش و جزاسینی نوامبر آییندا تائید ائتمیشدیر.
