ناتو و اوکراینادان روسیایا قیناما
ناتو خاریجی ایشلر ناظیرلری، دونن تلکونفرانس باغلانتیسی قوردوقلاری اوکراین خاریجی ایشلر ناظیری پاولو کلیمکینله سون اینکیشافلاری قیمتلندیردی
ناتو و اوکرایندان روسیایا قیناما
ناتو خاریجی ایشلر ناظیرلری و اوکراین، روسیانین کریمهدکی نیظامی ییغیناغینی و اوکراینین شرقینده آیریلیکچیلارا سلاح یوللادیغینی قینادی.
ناتو خاریجی ایشلر ناظیرلری، دونن تلکونفرانس باغلانتیسی قوردوقلاری اوکراین خاریجی ایشلر ناظیری پاولو کلیمکینله سون اینکیشافلاری قیمتلندیردی.
توپلانتینین آردیندان یایینلان اورتاق بیاننامهده، "روسیانین اولوسلار آراسی حقوقو پوزاراق اوکراینین شرقینده، آیریلیکچیلارا تانکلار، اینکیشاف ائتمیش هاوا ساوونما سیستملری و دیگر آغیر سلاحلار تامین ائتمکله بیرلیکته داوام ائدن بیلینچلی استیقرارسیزلاشدیرما فعالیتلرینی و مینسک آنلاشماسینی پوزان نیظامی حرکتلرینی شدتله قیناییریق" ایفادهسی ایستیفاده ائدیلدی.
اورتاق بیاننامهده، "روسیانین کریمهدکی نیظامی ییغیناغی و کریمهده پیسلشن اینسان حاقلاری وضعیتی" ده قیناناراق موسکوا رهبرلیگینه کریمهنی الحاق قراریندان دؤنمهسی و "کریمه تاتارلاری داخیل یئرلی خالقین حاقلارینا حؤرمت گؤسترمهسی" چاغیریسی ائدیلدی.
بو آرادا ناتو خاریجی ایشلر ناظیرلری، اوکراین اوردوسونون مودرنیزاسیونونا ایستیقامتلی 4 امانت فوندو قورولماسینی تصدیقلهدی.
بو چرچیوهده ایستکلی ناتو عضولرینین، امر نظارت، سایبر ساوونما، خبرلشمه، یاناجاق، استانداردلاشدیرما، افسرلرین اؤیردیلمهسی، یارالی عسگرلرین معالیجهسی ساحهسینده پروژهلره قاتیلماسی یا دا مالیه دستک وئرمهسی نظرده توتولور.