آمریکا ساوونما باخانی استعفا ائتدی
آمریکا باشقانی باراک اوباما، هگیلین استعفاسینی "تام، دوغرو زامان" دئیه آچیقلادی
آمریکا ساوونما باخانی چاک هگیل استعفا ائتدی.
آمریکا باشقانی باراک اوباما، هگیلین استعفاسینی "تام، دوغرو زامان" دئیه آچیقلادی.
افغانیستان و ایشید قونوسوندا اوباما رهبرلیگینه گلن تنقیدلر اوزون‌دن، بیر مدت‌دیر استعفا باسقیسی آلتیندا اولان چاک هگیلین استعفاسینی آمریکا پرزیدنتی آچیقلادی.
هگیلین اوردویا صداقتله خیدمت ائتمیش چوخ یاخین بیر دوستو اولدوغونو ایفاده ائدن اوباما، "اونا بو گونه قدر دوروستجه داوام ائتدیردیگی مشاورلیک خیدمتین‌دن اؤترو تشکر ائدیرم. اما اونون آیریلماسی اوچون ایندی دوغرو زامان. بونو اوندن 1 آی اؤنجه طلب ائتمیشدیم" دئدی.
هگیل دا چیخیشیندا بون‌دان سونرا دا آمریکا یؤنه‌دیمینه خیدمت‌لری‌نین داوام ائدجیینی سؤیله‌دی.
هگیل؛ آمریکا یؤنه‌دیمینی، بللی بیر سوریه سیاستی اولمادیغی سببیله تنقید ائدیردی.
هگیل، ایشید حاقیندا واشینگتن داها اورتاق گؤروش اولوشدورما‌دان، "بیزیم ایندییه قدر گؤردوک‌لریمیزین اؤته‌سینده بیر شئی، هر کس اوچون تهدید" دئمیشدی.
اوبامانین کابینه‌سین‌دکی تک جمهوریتچی اولان هگیلین آردین‌دان آمریکانین ایشیده قارشی سیاست دییشیک‌لیگینه گئده‌بیله‌جگی بیلدیریلیر.
ویتنام ساواشی غازی‌سی هگیل یئنی ساوونما باخانی بللی اولانا قدر وظیفه‌سینده قالا‌جاق.
