2-جی تورکیه-آفریقا طرفداشلیق اجلاسی اکواتور گینهسینین پایتختی
تورکیه ایله آفریقانین هئچ بیریندن اوزاق اولمادیغینی وورغولایان آیدین، آفریقا ایله دوستلوق و طرفداشلیق موضوعسوندا قرارلی اولدوقلارینی سؤیلهدی
تورکیه، آفریقانی قارداش و استراتژی طرفداشی کیمی گؤرور
2-جی تورکیه-آفریقا طرفداشلیق اجلاسی اکواتور گینهسینین پایتختی مالابودا باشلادی.
تورکیهنی تمثیل ائدن خاریجی ایشلر ناظیرلیگی موستئشار معاوینی سفیر علی کمال آیدین، تورکیه-آفریقا امکداشلیقدا یئنی بیر دؤور آچیلاجاغینی و تورکیهنین، آفریقانین اؤنجهلیکلرینین فرقینده اولدوغونو سؤیلهدی.
تورکیه ایله آفریقانین هئچ بیریندن اوزاق اولمادیغینی وورغولایان آیدین، آفریقا ایله دوستلوق و طرفداشلیق موضوعسوندا قرارلی اولدوقلارینی سؤیلهدی.
اکواتور گینهسی خاریجی ایشلر ناظیری آیوپیتو مبا موکوی دا تورکیهنین، اکینچیلیکله باغلی پروژهلر، شهر چئورهسی گلیشمهسی، سیویل ساوونما، سو قایناقلارینین ایداره ائدیلمهسی، میکرو و کیچیک بیزنس، گوونلیک، ساغلیق و وئریملی نقلیات شبکهسی موضوعلاریندا تجروبهلری اولدوغونو، بو ساحهلرده تورکیه-آفریقا امکداشلیغین اهمیتلی اولدوغونو وورغولادی.
آفریقا بیرلیگی کومیسیونر معاوینی اراستوس مونچا ایسه تورکیه-آفریقا آراسیندا اینکیشاف ائتمیش عینی زاماندا کیفیتلی بیر اورتاقلیق اولماسی لازیم اولدوغونو ایفاده ائدهرک، تورکیهنین اینکیشاف ائتمیش اولدوغو بیر چوخ سکتوردا آفریقا ایله تجروبهلرینی پایلاشابیلهجگینی وورغولادی.