19-21 نوامبر تاریخ‌لرینده تورکیه-آفریقا طرفداش‌لیق اجلاسی مالابودا کئچیریله‌جک
تورکیه‌نین "آفریقایا آچیلیم سیاستی"، آرتیق یئرینی "آفریقا طرفداش‌لیق سیاستی"نه بوراخدی و 1.'سی ایستانبولدا ائدیلن تورکیه آفریقا طرفداش‌لیق اجلاسی‌نین 2.'سینه اکواتور گینه‌سی ائو صاحب‌لیگی ائده‌جک
2- تورکیه-آفریقا طرفداش‌لیق اجلاسی
تورکیه‌نین "آفریقایا آچیلیم سیاستی"، آرتیق یئرینی "آفریقا طرفداش‌لیق سیاستی"نه بوراخدی و 1.'سی ایستانبولدا ائدیلن تورکیه آفریقا طرفداش‌لیق اجلاسی‌نین 2.'سینه اکواتور گینه‌سی ائو صاحب‌لیگی ائده‌جک.
19-21 نوامبر تاریخ‌لرینده اؤلکه‌نین باشکندی مالابودا کئچیریله‌جک اجلاسا بوتون آفریقا قارّه‌سینی تمثیل موریتانی، اتیوپی، الجزایر، نیجریه، جنوبی آفریقا، سنگال، لیبی، زیمبابو، کنیا، غنا، چاد، کونگو دموکراتیک جمهوریتی و میصیر دعوت ائدیلیر.
"آفریقانین داوام‌لی اینکیشافی و انتقراسیونو گوجلندیریلمه‌سی اوچون یئنی بیر اورتاق‌لیق مودئلی" موضوعلو اجلاسا، بو اؤلکه‌لرین دولت باشقانی سویه‌سینده قاتیلیم تامین ائتمه‌سی نظرده توتولور. اجلاسا تورکیه‌نی تمثیلن پرزیدنتی رجب طیب اردوغان و ایش دونیاسین‌دان عبارت اولان 200 نفرلیک هیاتین قاتیلماسی گؤزلنیلیر.
اچلاسدا، دونیا‌داکی اؤلکه‌لرین اوچده بیرینی میدانا گتیرن آفریقا اؤلکه‌لری ایله تورکیه آراسین‌داکی استراتژی طرفداشلیغین داها ایره‌لی آپاریلماسی پلانلاشدیریلیر. آیریجا، توپلانتی‌لاردا موسسیسه‌نین موجود وضعیتی‌نین اله آلینماسی، 2014-2018 تطبیق پلانی ایله گله‌جک دؤوره باغلی بیر چرچیوه تعیین اولونماسی و بیر بیلدیریش قبول ائدیلمه‌سی پلانلاشدیریلیر.
آفریقا طرفداش‌لیق سیاستی
تورکیه‌نین آفریقایا آچیلیم سیاستی، "برابر طرفداش‌لیق و قارشی‌لیق‌لی فایدا" پرینسیپ‌لری اثناسیندا اینکیشاف ائده‌رک تیجارت حجمین‌دن، سیاسی دیالوق مکانیزم‌لرینه، تحصیل فعالیت‌لرین‌دن اقتصادی یاتیرم‌لار قدر بیر چوخ ساحه‌ده سرعت‌لی بیر ایره‌لیلمه تامین ائتدی.
تورکیه قاره‌ده 2003-جی ایلده یئددی اولان سفیرلیک و بیر اولان تیجارت موشاویرلیگی سایلارینی 2013-ده 30-آ چیخاردی.
10 ایللیک مدتده تورکیه ایله آفریقا اؤلکه‌لری آراسین‌داکی تییاره سفرلری، توریست سایسی، گیریش و چیخیش بیلگیلری ده گؤزله گؤرولر شکیلده آرتیم گؤستردی.
اقتصاد ناظیرلیگی معلومات‌لارینا گؤره، تورکیه صادراتی‌نین یوزده 9،3ونو، وارداتی‌نین یوزده 3،7سینی، خاریجی سرمایه‌لری‌نین یوزده 3،6سینی و خاریجی تیکینتی خیدمت‌لری‌نین ایسه یوزده 18،1ینی آفریقایلا رئاللاشدیریر.
