آمریکا اوردوسو ایلک ایتکیسینی وئردی
بغداددا وظیفهده اولان ۱۹ یاشیندا بیر عسگرین حیاتینی ایتیردیگی ایفاده ائدیلدی
170593
آمریکانین ایشید هدفلرینه هاوا هوجوملاری داوام ائدیر.
آمریکا اوردوسو، عراق و سوریهده ۱۸ هاوا سالدیریسی تشکیل ائدیلدیگینی بیلدیردی.
بو آرادا پنتاگون، آمریکا اوردوسونون ایلک ایتکیسینی وئردیگینی آچیقلادی.
بغداددا وظیفهلی ۱۹ یاشیندا بیر عسگرین حیاتینی ایتیردیگی ایفاده ائدیلدی.
عراقین تکریت شهرینده ایسه اوردو ایله ایشید منسوبلاری آراسیندا چیخان چاتیشمادا ۲٥ میلیتانین حیاتینی ایتیردیگی و میلیتانلارا عاید آغیر سلاح داشییان ٥ واسطهنین ده تخریب ائدیلدیگی بیلدیریلدی.
اؤته یاندان، آمریکا پرزیدنتی باراک اوبامانین ایشیدله قلوبال مباریزه اؤزل نمایندهسی جان آلنین کوالیسیون اؤلکهلری ایله تماسلاری داوام ائدیر.
آلن سون اولاراق پاریسده، فرانسا خاریجی ایشلر باخانی لوران فابیوس ایله گؤروشدو.
آلنین سونراکی سفری ایسه اورتادوغو اؤلکهلرینه اولاجاق.