چین و ایران حربی امکداشلیغی آرتدیریر
چین مدافعه باخانی چانگ وانچون، ایران دنیز قوهلری باشچیسی حبیب الله سیار ایله بیر آرایا گلدی
شینهوا آژانسینین خبرینه گؤره، چین ساوونما باخانی چانگ، سون ایللرده قارشیلیقلی سفرلرله ایران و چینین حربی قوهلرینده پرسنل ائییتیمی و باشقا ساحهلرده یاخشی ایشبیرلیکلرینین اولدوغونو ایفاده ائتدی.
ایکی اؤلکهنین دونانمالارینین قارشیلیقلی ائتدیگی سفرلرین باشاریلی اولدوغونا توخونان چانگ، بو سفرلرین ایکی اؤلکهنین دونانماسی اوچون وئریملی اولدوغونو قید ائتدی.
چانگ، چینین ایران ایله حربی ایلیشکیلرینی داها گوجلندیرمک و امکداشلیق ایچینده بو اؤلکه ایله چالیشما قونوسوندا ایستکلی اولدوغونو وورغولادی.
سیار دا چین دونانماسینی تعریفلهیهرک، ایرانین چین ایله علاقهلرینه بؤیوک اؤنم وئردیگینی و ایکی اؤلکهنین سلاحلی قوهلری آراسینداکی قارشیلیقلی علاقهنی آرتدیرماغا حاضر اولدوقلارینی دیله گتیردی.
ایران ساواش گمیلری، گئچن آی بندر عباس لیمانینا دمیرلهین ایکی چین ساواش گمیسی ایله اورتاق مانور ائتمیشدی.