یئنه قاتار فاجعهسی
سون ٥ ایلده میدانا گلن قاتار قضالاریندا مین ٥۰۰ نفر حیاتینی ایتیردی
146492
هیندیستانین قوزئییندهکی اوتار پرادش ایالتینده ایکی یولچو قاتارینین توققوشماسی نتیجهسینده ان آز ۱۲ نفر حیاتینی ایتیردی.
یئتکیلیلر، گوراکپور شهری قاتار دوراغینداکی چارپیشمانین آردیندان قاتارلاردان بیرینین اوچ واگونونون ریلدن چیخدیغینی آچیقلادی.
آشان واگونلاردان ۱۲ نفرین جسدی چیخاریلدی. قضادا ٤٥ نفر ده یارالاندی.
قضانین آردیندان دوراغین اوزون مدت ترافیکه باغلانیلماسی، قاتار سفرلرینین آخساماسینا سبب اولدو. بعضی قاتارلار، فرقلی ایستاسیونلارا یؤنلندیریلدی.
دؤولته عاید دمیریوللاری شبکهسینده تخمینا ۱۱ مین یولچو قاتاری گونده ۲۳ میلیوندان چوخ یولچو داشیییر.
هیندیستاندا سون ٥ ایلده میدانا گلن قاتار قضالاریندا مین ٥۰۰ نفر حیاتینی ایتیردی.