آمریکا کونگره‌سین‌دن سوریه‌لی مخالیف‌لره کؤمک
آمریکا پرزیدنتی باراک اوبامانین عراق شام ایسلام دولتی ترور اؤرگوتو ایله مباریزه پلانی چرچیوه‌سینده سوریه‌دکی مولاییم مخالیف قروپ‌لارین سیلاحلاندیریلماسی و تحصیلی نظرده توتولور
آمریکا کونگره‌سین‌دن سوریه‌لی مخالیف‌لره کؤمک
آمریکا بیرلشیک دولتلری نماینده‌لر مجلیسی، سوریه‌دکی مولاییم مخالیف قروپ‌لارین تحصیلی و سیلاحلاندیریلماسینی نظرده توتان قانون پروژه‌سینی تصدیقله‌دی.
آمریکا پرزیدنتی باراک اوبامانین عراق شام ایسلام دولتی ترور اؤرگوتو ایله مباریزه پلانی چرچیوه‌سینده سوریه‌دکی مولاییم مخالیف قروپ‌لارین سیلاحلاندیریلماسی و تحصیلی نظرده توتولور.
کونفرانسدا تقدیم تخمینن 500 میلیون دو‌لارلیق پروقراملا علاقه‌دار سناتو اولوسلار آراسی علاقه‌لر کومیته‌سینده دانیشان خاریجی ایشلر ناظیری جان کری، "عراق شام ایسلام دولتی ترور اؤرگوتو مغلوب ائدیلمه‌لی" دئدی.
کری، پرزیدنت اوبامانین سؤزلرینی خاطیرلادا‌راق "آمریکان گوج‌لری ساواشچی بیر وظیفه آلماز و آلمایا‌جاق" دئدی.
پروژه نماینده‌لر مجلیسینده 273 بلی رای‌نه قارشی‌لیق 156 خیر رای ایله کئچدی.
اوباما، سس وئرمه سونراسی ائتدیگی یازیلی آچیقلامادا، پلانینا دستک وئرن نماینده‌لر مجلیسی عضو‌لرینه تشککور ائتدی.
اوباما، سوریه‌دکی مولاییم مخالیف‌لره اگیتیم و نیظامی اکیپ تعمین ائتمک اوچون اؤزونه مسئولیت وئریلمه‌سینی تامین ائدن دوزنلمه‌نین تصدیقلنمه‌سیله عراق شام ایسلام دولتی ترور اؤرگوتو ایله مباریزه‌ده اهمیت‌لی بیر آددیم آتدیق‌لارینی بیلدیریب.
آمریکا پرزیدنتی، کؤمکله بیرلیکده، سوریه‌لی مخالیف‌لرین، بحرانی حل ائده‌جک سیاسی حلّ اوچون شرط‌لری حاضیرلایارکن عینی زاماندا اؤزلرینی قورویابیله‌جگینی، سوریه‌دکی عراق شام ایسلام دولتی ترور اؤرگوتو اونسورلرینی اؤنجه پوسکورته‌بیله‌جگینی ایفاده ائتدی.
سوریه‌لی مخالیف‌لرین تحصیلینده آمریکا عسگری‌نین بو اؤلکه‌یه گیرمیه‌جگینی ایفاده ائدن اوباما، اگیتیم پروقرامی‌نین بؤلگه‌دکی اؤلکه‌لرین اورتاق‌لاری سوریه‌نین خاریجینده یؤنتیله‌جگینی سؤیله‌دی.
سعودی عربیستانی دا، سوریه‌لی مخالیف‌لرین اؤز تورپاق‌لاریندا آمریکان عسگرلری طرفین‌دن اؤیردیلمه‌سینی قبول ائتمیشدی.
