فرگوسن پولیس تشکیلاتی حاقیندا گئنیش سوروشدورما
آمریکا عدالت ناظیرلیگی فرگوسن محله‌سینده کئچن آی قره گنج مایکل براون-ون آغ بیر پولیس طرفین‌دن اؤلدورولمه‌سی سونراسی تشکیل ائدیلن اعتراضلاردا آکتیویست‌لره قارشی حدین‌دن آرتیق گوج ایستیفاده ائتمکله تنقید اولونان فرگوسون پولیس تشکیلاتی حاقیندا گئنیش بیر سوروشدورما باشلاتماغا حاظیرلاشیر
فرگوسن پولیس تشکیلاتی حاقیندا گئنیش سوروشدورما ...
آمریکا عدالت ناظیرلیگی‌نین، میسوری ایالتین‌دکی سنت. لوئیس شهری‌نین فرگوسن محله‌سینده کئچن آی قره گنج مایکل براون-ون آغ بیر پولیس طرفین‌دن اؤلدورولمه‌سی سونراسی تشکیل ائدیلن اعتراضلاردا آکتیویست‌لره قارشی حدین‌دن آرتیق گوج ایستیفاده ائتمکله تنقید اولونان فرگوسن پولیس تشکیلاتی حاقیندا گئنیش بیر سوروشدورما باشلاتماغا حاظیرلاشیر.
عدالت ناظیرلیگی‌نین وطنداش حاق‌لار دایره‌سی طرفین‌دن باشلادیلماسی پلان‌لاش‌دیریلان سوروشدورمادا، تدبیره، نظارته آلما، گوج ایستیفاده‌سی، پولیس مامورلاری‌نین آلدیغی تحصیل کیمی قونولارلا بیرلیکده، پولیس تشکیلاتی‌نین تطبیق‌لری دیقت آلتینا آلینا‌جاق.
سوروشدورمادا، اوّلکی حادثه‌لرین و پولیسله علاقه‌لی شیکایت‌لر دگرلندیریلمه‌لی، فرگوسن پولیسی‌نین تطبیق‌لری‌نین فدرال قانون‌لاری و یا آمریکا آنایاساسینی پوزان ائدیب ائتمدیگینه باخیلا‌جاق.
آمریکادا سنت. لوئیس شهری‌نین فرگوسن محله‌سینده سلاحسیز قره مایکل براون-ین پولیس طرفین‌دن اؤلدورولمه‌سی‌نین آردین‌دان اؤلکه داخیلینده اعتراض نوماییش‌لری تشکیل ائدیلمیش، 19 آوقوستدا فرگوسن یاخین‌لاریندا گؤستریجیلرله پولیس آراسین‌داکی گرگین‌لیگی گؤسترن آآنادوآژانسی موخبیری بیلگین شاشماز دا پولیسین آغیر موداخیله‌سینه معروض قالمیش و تخمینن 6 ساعات نظارتده توتولموشدو.
