روسیا، اوکراینلی میلیاردرین مال وارلیغینا ال قویدو
روسیا سوروشدورما کومیتهسی، اوکراین رهبرلیگینه و اؤلکهنین شرقیندکی آیریلیکچیلارلا ساواشان اوردو بیرلیکلرینه مادی دستک تامین ائدن کولومویسکینین روسیاداکی مال وارلیغینا ال قویدو
روسیا، اوکراینلی میلیاردرین مال وارلیغینا ال قویدو
روسیا، اوکراینین دنپروپترووکسی ایالتینین اوستانداری میلیاردر ایقور کولومویسکینین مال وارلیغینا ال قویدو.
روسیا سوروشدورما کومیتهسی، اوکراین رهبرلیگینه و اؤلکهنین شرقیندکی آیریلیکچیلارلا ساواشان اوردو بیرلیکلرینه مادی دستک تامین ائدن کولومویسکینین روسیاداکی مال وارلیغینا، "دونتسک و لوگانسک بؤلگهلرینده باریش و اینسانلیغین گوونلیگی علیهینه آغیر جینایت تؤرتدیگی" سببیله ال قویدو.
کولومویسکینین روسیاداکی بوتون اوفیس و شیرکتلرینده آختاریش ائدیلدیگی، اولان سندلره ده سوروشدورما کومیتهسی طرفیندن ال قویولدوغو ایفاده ائدیلدی.
اوکرایندا "پریوات" قروپونون قوروجوسو اولان کولومویسکی، 3 میلیارد 645 میلیون دولارلیق ثروتیله اؤلکهنین ایکینجی سرمایهداردیر.
روسیا سوروشدورما کومیتهسی، ژوئن آییندا کولومویسکی و اوکراین داخیلی ایشلر ناظیری آرسنی آواکوو حاقیندا اولوسلار آراسی آختاریش قراری چیخارمیشدی. داها سونرا موسکوا محکمهسی طرفیندن، "متشکّیل جینایت"، "محاربه زامانی قاداغان ائدیلمیش سلاحلار ایستیفاده ائتمک"، "آدام قاچیرما" و "ژورنالیستلرین ایشینی مانع تؤرتمه" جورملری ایله کولومویسکی حاقیندا قیابی حبس قراری چیخاردیلمیشدی.