پئشمرگهیه سلاح دستگی سؤزو
هئگل، آمریکا و عراق مرکزی حکومتینین دستگینه علاوه، ۷ اؤلکهنین داها عراقین قوزئییندهکی پئشمرگه گوجلرینه سلاح و تجهیزات گؤندرمه یی تعهد ائتدیگینی ایفاده ائتدی
آمریکا ساوونما باخانی چاک هئگل، آمریکا و عراق مرکزی حکومتینین دستگینه علاوه، ۷ اؤلکهنین داها عراقین قوزئییندهکی پئشمرگه گوجلرینه عاجل احتیاج دویولان سلاحلار و تجهیزات گؤندرمه یی تعهد ائتدیگینی ایفاده ائتدی.
هئگل، "۷ اؤلکهنی، آلبانیا، کانادا، کروواسی، دانمارک، ایتالیا، فرانسا و اینگیلتره اولاراق سیرالادی.
کوردلره سلاح و تجهیزات دستگی اوچون عملیاتلارین اونسوز دا باشلادیغینی و گلهجک گونلرده داها چوخ اؤلکهنین قاتیلاجاغینین گؤزلنمهسی ایله داها دا بونون سرعتلهنهجگینی قید ائدن هئگل، "بو اؤلکهلرین هر بیرینه آمریکا اوردوسویلا یان یانا چالیشمالاریندان اؤترو تشکر ائتدیگینی" بیلدیردی.
هئگل، "عراق خالقی و اولوسلارآراسی توپلومون ایشیدین میدانا گتیردیگی تهدیده قارشی قویما قرارلیلیغی داها دا آرتیر و آمریکا، بو چابایا کؤمکچی اولماق اوچون دونیاداکی دوستلاریمیزلا بیرلیکده چالیشمایی آرزولاییر" دئدی.