آمریکا ایله چین آراسیندا اوچاق گرگینلیگی
چینه عاید بیر ساواش اوچاغی اولوسلارآراسی هاوا ساحه‌سینده بیر آمریکا اوچاغینا ساتاشدی
آمریکا، چینه عاید بیر ساواش اوچاغی‌نین اولوسلارآراسی هاوا ساحه‌سینده بیر آمریکا اوچاغینا ساتاشدیغینی ایفاده ائده‌رک، بونا "درین قایغی وئریجی بیر تخریبات" سؤزلری ایله تپکی گؤستردی.
ساوونما باخانلیغی پنتاگون سؤزچوسو جان کیربی، "سلاح‌لی بیر چین ساواش اوچاغی‌نین ۱۹ آگوستدا آمریکا دونانماسینا عاید پ-۸ پوسیدون تیپی کشف اوچاغینا تهلوکه‌لی شکیلده ساتاشدیغینی" بیلدیردی. کیربی، حادثه‌نین اولوسلارآراسی هاوا ساحه‌سینده هاینان آداسی‌نین تخمینا ۲۱٥ کیلومتر دوغوسوندا میدانا گلدیگینی قید ائتدی.
چین اوچاغی‌نین بو حرکتی‌نین نه قدر تهلوکه‌لی اولدوغونا دایر گوجلو قایغی‌لارینی چین‌لی یئتکی‌لی‌لره چاتدیردیقلارینی ایفاده ائدن کیربی، بونون چین ایله حربی ایلیشکی‌لرین گلیشدیریلمه‌یه داوام ائدیلمه‌سی چابا‌لارینا دا ضرر وئردیگینی بیلدیردی. کیربی، چین اوچاغی‌نین آمریکا دونانما اوچاغی‌نین بیر نئچه دفعه چوخ یاخینین‌دان گئچدیگینی، حتی بیر نقطه‌ده ۳۰ فیت (۹ متر دولایی) قدر یاخینلاشدیغینی ایفاده ائتدی.
آغ ائو اولوسال گوونلیک دانیشمان یاردیمچیسی بن رودس ده چین اوچاغی‌نین ساتاشمالارینی "درین قایغی وئریجی بیر تخریبات" اولا‌راق دگرلندیردی.
