قاهیره‌ده غزه توپلانتیسی
غزه‌ده آتیش‌کس قونوسوندا قارشی‌لیق‌لی آنلاشمایا واریلماسی‌نین آردین‌دان، طرف‌لر قاهیره‌ده بیر آرایا گلمه‌یه حاضیرلاشیر
غزه‌ده آتیش‌کس قونوسوندا قارشی‌لیق‌لی آنلاشمایا واریلماسی‌نین آردین‌دان، طرف‌لر قاهیره‌ده بیر آرایا گلمه‌یه حاضیرلاشیر.
آمریکا خاریجی ایشلر باخانی جون کری، قاهیره‌یه کیچیک بیر هیات گؤندرهجکلرینی، آنجاق اصلا حماس ایله مذاکیره‌یه اوتورمایاجاق‌لارینی بیلدیردی. کری ۷۲ ساعات‌لیق آتیش‌کسین هم ایسراییل، هم ده حماس طرفین‌دن قبول ائدیلدیگینی، طرف‌لرین اورتاق بیر زمینده گؤروشمه‌سی اوچون مکمل بیر فورصت اولوشدوردوغونو قید ائتدی.
آمریکا‌لی دیپلوماتیک قایناق‌لار دا، قاهیره دانیشیق‌لارینا قاتیلا‌جاق هیاتی فلسطین دؤولت باشقانی محمود عباسین تعین ائدجگینی، آمریکانین دا ایسراییلین ده حماس ایله مذاکیره‌یه اوتورمایاجاغینی بیلدیردی. عباسین هیاتده، حماس ایله ایسلامی جیهادا دا یئر وئرجیی تخمین ائدیلیر.
قاهیره گؤروشمه‌لری‌نین نه واخت باشلایاجاغی و نه قدر داوام ائدجیی هله بیلینمیر. دیپلوماتیک قایناق‌لار، دانیشیق‌لارین بوتون هیات‌لر قاهیره‌یه چاتار چاتماز باشلایاجاغینی ایفاده ائدیر.
