آوروپا بیرلیگی ده قینادی

آوروپا بیرلیگی، ایسراییل‌ین غزه ساحلینده اوینایان دؤرد اوشاق باشدا اولماق اوزره اوشاق‌لاری اؤلدورمه‌سی‌نین تامامیله قبول ائدیلمز اولدوغونو وورغولادی.
بیرلیک یئتکی‌لی‌لری، آیریم ائتمدن وطنداش‌لارین اؤلدورولمه‌سینی ده قینادی. آوروپا بیرلیگی خاریجی ایشلر یوکسک نماینده‌سی کاتری آشتون‌ون سؤزچوسو، "اینسانی سبب‌لرله اعلان ائدیلن آتیش‌کسین غزه‌دن راکت آتیشیلا سونا چاتدیریلماسیندان و ایسراییلین قورو عملیاتی باشلاتماسین‌دان سون درجه قایغیلی اولدوق‌لارینی" آچیقلادی.
گونلوک اولاغان مطبوعات توپلانتیسیندا سوال‌لاری جاوابلان‌دیران سؤزچو، سون گلیشمه‌لرین آتیشکس چابا‌لارینی داها عاجل حالا گتیردیگینی ایفاده ائتدی.
طرف‌لری شدتی سونا چاتدیرمایا چاغیران سؤزچو، ایسراییلین وطنداش‌لاری هدف آلان بیر چوخ سالدیریسینین هئچ بیر شکیلده قبول ائدیله‌ممه‌یه‌جیینی وورغولادی و در حال سوروشدورولماسینی ایسته‌دی.
هئچ بیر آیریم قویولما‌دان وطنداش‌لارین اؤلدورولمه‌سینی قینایان سؤزچو، ایسراییله ساوونما حاقینی قوللانیرکن اورانتی‌سیز گوج ایستیفاده ائتمه‌مه و وطنداش‌لاری قوروما ضرورتینی ده خاطیرلاتدی.