بان بیرلشمیش میللتلر تشکیلاتینی عاجیل توپلانتییا چاغیردی
غزه‌دن ایسرایله ائدیلن راکت آتیش‌لارینی قینادیغینی تکرارلایان بان، بو سالدیریلارین قبول ائدیله بیلمیه‌جگینی و دایاندیریلماسی لازیم اولدوغونو سؤیله‌دی
بان بیرلشمیش میللتلرعمومی قورولونو عاجیل توپلانتییا چاغیردی.
بیرلشمیش میللتلر تشکیلاتی باش کاتیبی بان کی-مون، غزه‌دکی وضعیته دایر بیرلشمیش میللتلر تشکیلاتی گوونلیک شوراسین‌دان عاجیل توپلانتی طلب ائتدیگینی بیلدیردی.
بان، تشکیل ائتدیگی مطبوعات کونفرانسیندا، غزه‌نین بیچاق کوره‌گینده اولدوغونو ایفاده ائده‌رک، "بؤلگه‌ده پیس‌لشن وضعیت کیمسه‌نین کونترول ائده بیلمیه‌جگی بیر دؤنگویه دوغرو گئدیر" دئدی.
غزه‌دن ایسرایله ائدیلن راکت آتیش‌لارینی قینادیغینی تکرارلایان بان، بو سالدیریلارین قبول ائدیله بیلمیه‌جگینی و دایاندیریلماسی لازیم اولدوغونو سؤیله‌دی.
غزه‌دکی اینسانی پروبلمین حلّی اوچون ده بوتون بیرلشمیش میللتلر تشکیلات‌لاری‌نین حرکته کئچدیگینی دیله گتیرن بان، بؤلگه اؤلکه‌لرین‌دن ده هم اینسانی، هم ده سیاسی موضوعلاردا مثبت حرکت ائتمه‌لرینی ایسته‌دی.
بان کی-مونون مطبوعات کونفرانسی‌نین آردین‌دان بیرلشمیش میللتلر تشکیلاتی گوونلیک شوراسی دؤور باشقانی رواندا-نین بیرلشمیش میللتلردکی دایمی تمثیلجیلیغیندن ائدیلن آچیقلامادا، بیرلشمیش میللتلرعمومی قورولو عضو‌لری‌نین غزه‌دکی وضعیتی گؤروشمک اوچون یئرلی ساعاتلا (نیو یورک) 10.00 'ده توپلانتییا چاغیریلدیغی ایفاده ائدیلدی.
آچیقلامادا، توپلانتیدا باش کاتیب بان کی-مونون بؤلگه‌دکی وضعیته دایر بیرلشمیش میللتلرعمومی قورولا بریفینگ وئره‌جگی ایفاده ائدیلدی.
