اوکراینادا تک طرفلی آتیشکس
اوکراینا دؤولت باشقانی، روسیا یانلیسی آیریلیقچیلارلا گوونلیک گوجلری آراسینداکی چاتیشمالارین سوردوگو بؤلگهلرده ۱ هفتهلیک آتیشکس اعلان ائتدی
اوکراینا دؤولت باشقانی پترو پوروشنکو، روسیا یانلیسی آیریلیقچیلارلا گوونلیک گوجلری آراسینداکی چاتیشمالارین سوردوگو دوغو بؤلگهلرینده ۱ هفتهلیک آتیشکس اعلان ائتدی.
پوروشنکو، عصیانچیلارا سیلاح بوراخما فورصتی وئرمک اوچون اعلان ائدیلدیگی ایفاده ائدیلن آتیشکهسه باخمایاراق، عسگرلره قارشی سالدیریلارا قارشیلیق وئریلهجیینی ایفاده ائتدی. آتیشکس، ۲۷ ژوئنه قدر داوام ائدهجک. آنجاق، دونئتسک و لوهانسک کیمی بؤلگهلرده قامو بینالارینی ایشغال ائدن آیریلیقچیلارین، تک طرفلی آتیشکهسه اعتبار ائتمیر.
اوکراینا خبر آژانسلاری، آیریلیقچیلارین "حکومت عسگرلری بؤلگهنی ترک ائدنه قدر" سلاح بیراخماماقدا قرارلی اولدوغونو بیلدیردی. اؤلکهنین دوغو بؤلگهلرینده چاتیشمالارین داوام ائتدیگی خبرلری گلیر. پوروشنکو آتیشکس اعلانیندان اؤنجه روسیا دؤولت باشقانی ولادیمیر پوتین ایله ایکی تلفندا دانیشمیشدی.
پوروشنکونون باریش پلانی، اقتدار گوجونون یئرللشدیریلمهسینی و ارکن سئچیملره گئدیلمهسینی ایچریر. آیریجا، اوکراینا-روسیا سرحدینده ۱۰ کیلومتر درینلیگینده بیر تامپون بؤلگه یارادیلماسی و آیریلیقچیلارین چاتیشما بؤلگهلرینی ترک ائتمهسی اوچون گوونلی بیر دهلیز آچیلماسی اؤن گؤرولور.