روسیا وتو ائدجک
روسیا، امنیت شوراسینین دایمی عضوو اولدوغو اوچون وتو یئتکیسینی قوللانماسی دوروموندا سوریهدهکی وضعیتین محکمهیه گؤندریلمهسی ممکن اولاممایاجاق
روسیا، سوریهده ایشلنن ساواش سوچلارینین اولوسلارآراسی جزا محکمهسینه گؤندریلمهسی اوچون فرانسا طرفیندن حاضرلانان و بو گون امنیت شوراسیندا اویلانماسی گؤزلنیلن قرار تاساریسینی وتو ائدجیینی بیلدیردی.
تاساریدا، اؤلکهده ایشلنن جینایتلرین هم بیرلشمیش میلتلر باش کاتیبی ایله بیرلشمیش میلتلر قوروملارینین یؤنهدیچیلری هم ده اولوسلارآراسی توپلوم طرفیندن سیخلیقلا گوندمه گتیریلدیگی ایفاده ائدیلهرک، سوریهدهکی وضعیتین اولوسلارآراسی باریش و تهلوکهسیزلییه تهدید اولوشدوردوغو وورغولانیر.
تاساریدا، مارس ۲۰۱۱ده بو یانا سوریه رژیمی و رژیمه دستک وئرن میلیتانلار ایله باشقا دؤولت دیشی سلاحلی قروپلارین ایشلدیگی جینایتلر شدتلی شکیلده قیناناراق، سوریهدهکی وضعیتین جزا محکمهسینه گؤندریلمهسی و ساوجینین سوروشدورما باشلاتماسی ایستهنیلیر.
روسیا، امنیت شوراسینین دایمی عضوو اولدوغو اوچون وتو یئتکیسینی قوللانماسی دوروموندا سوریهدهکی وضعیتین محکمهیه گؤندریلمهسی ممکن اولاممایاجاق. بئلهجه، دونیادا باریش و تهلوکسیزلیگین تامینی وظیفهسینی یئریدن تشکیلات اولان امنیت شوراسی سوریه قونوسوندا بیر دفعه داها ایشلهوسیز قالاجاق.