دونیانین مرکزینده یئنی بیر قات کشف ائدیلدی
یئر بیلیمچیلر، دونیانین مین ۶۰۰ کیلومتر درینلیگینده ۶۴۴ کیلومتر قطروندا بیر متالیک چه‌کیردک اولدوغو و بو چه‌کیردکین دمیر-نیکل قاریشیغی بیر یاپیدان اولوشدوغو یولونداکی ساوین آغیرلیق قازاندیغینی ایفاده ائتدی
بیلیم اینسانلاری زلز‌له‌لر سونراسی یاشانان سیسمیک دالغالارین یانسیمالارینی اؤلچه‌رک یئر اۆزونون مرکزینده یئنی بیر قات یا دا "ایچ چه‌کیردک" اولابیله‌جگینی ایر‌لی سۆردو.
نیچیر کمیونیکیشینس آدلی درگیده یاییملانان آراشدیرمادا یئر بیلیمچیلر، دونیانین مین ۶۰۰ کیلومتر درینلیگینده ۶۴۴ کیلومتر قطروندا بیر متالیک چه‌کیردک اولدوغو و بو چه‌کیردکین دمیر-نیکل قاریشیغی بیر یاپیدان اولوشدوغو یولونداکی ساوین آغیرلیق قازاندیغینی ایفاده ائتدی.
سیسمیک دالغالارین قاتمانلاردان نئجه یانسیدیغینی ایزله‌یه‌ن آراشدیرماچیلار، دونیانین سانیلدیغینین عکسینه دؤرد دئییل بئش قاتدان میدانا گلدیگینی و سو قاتی، یئر قابیغی (لیتوسفر)، ماگما قاتی (پیروسفر) و چه‌کیردک قاتینین (باریسفر) ایچینده برک/قاتی و متال‌دان گیزلی بیر ایچ چه‌کیردک یاتدیغی نتیجه‌سینه واردی.
آراشدیرماچیلار، آیریجا، ایستیفاده ائتدیکلری تیترشیم دالغالارینین بو یئنی چه‌کیردکین 'انیزوتروپیک' بیر یاپییا صاحب اولدوغونو گؤستردیگینی ده ایفاده ائدیر.
