30 مین استرلینگه تویتر یؤنه‌تیجیسی آختاریلیر
باکینگهام سارایی، کرالیچه 2.جی الیزابتین 2 میلیون 77 مین تعقیبچی‌یه چاتان رسمی تویتر حسابینی ایداره ائتمک اوچون ایللیک 30 مین استرلینگ معاش ایله یؤنه‌تیجی آختاریر
اینگیلتره کرالیچه‌سی 2.جی الیزابت، رسمی تویتر حسابینا یؤنه‌تیجی آختاریر.
باکینگهام سارایی، کرالیچه 2.جی الیزابتین 2 میلیون 77 مین تعقیبچی‌یه چاتان رسمی تویتر حسابینی ایداره ائتمک اوچون ایللیک 30 مین استرلینگ معاش ایله یؤنه‌تیجی آختاریر.
کرالیچه‌نین رسمی وب سایتی اوزرین‌دن یاییملانان ایش اعلانیندا سرعت‌لی و دینامیک بیر تیم ایله بیرلیکده ایشلمک اوچون بیر دیجیتال ارتباط اوزمانی آختاریلدیغی بیلدیریلدی.
اعلانداکی ایش تعریفینده، کرالیچه‌نین تویتر حسابی‌نین یانیندا یوتوب و فیسبوک حساب‌لاری‌نین یؤنه‌تیمی ده یئر آلیر.
اعلاندا، ایللیک 30 مین استرلینگ معاش یانیندا، یوزده 15 قاتقی پای‌لی بیر امکلی‌لیک پلانی و فردی گلیشیم ائییتیملری وعد ائدیلیر.
اعلانا گؤره، نامیزدلرین اونیورسیته تحصیلی آلمیش، گله‌جه‌یه دایر گؤروش صاحبی، وب سایت یؤنه‌تیمی قونوسوندا تجروبه‌لی، یئنی‌لیکچی، یارادیجی اولماسی و شکیل و ویدئو قونولاریندا دا یئتکین اولماسی گؤزلنیلیر.
