سینگاپور عالیم‌لری گله‌جگین بتون ماتریالینی حاضیرلادیلار
سینگاپورون نانیان تکنولوژِی اونیورسیتئتی‌نین عالیم‌لری بتون ماتریالینی مؤحکملندیرمک اصولونو تاپیب‌لار.
بتون ان چوخ ایستیفاده ائدیلن تیکینتی ماتریاللاریندان بیری اولسا دا، بیر خوشاگلمز چاتیشمازلیغا مالیک‌دیر. واخت کئچدیکجه بتون قورویور، چاتلاییر و نتیجه‌ده گوجلو فشارین آلتیندا سینا بیلر.
سینگاپورون نانیان تکنولوژِی اونیورسیتئتی‌نین عالیم‌لری بتون ماتریالینی مؤحکملندیرمک اصولونو تاپیب‌لار.
بتون عادتن، سئمنت، چینقیل، قوم و سویون قاریشیغین‌دان حاضرلانیر. سینگاپور عالیم‌لری طرفیندن یارادیلمیش "ConFlexPave" ماتریا‌لی ایسه پولیمر میکرولیف آدلی داها بیر جزء مالیک‌دیر. اینسان ساچین‌دان داها نازیک اولان پولیمر میکرولیف بتونا تضییق زامانی یوکلنمنی برابر بؤلوشدورمکله اونو مؤحکملندیریر.
"ConFlexPave"آدلی ماتریالین یارادیجی‌لاری امین ائدیرلر کی، یئنی ماتریال مئتال کیمی ائلاستیک‌دیر و آدی بتون اوچون ماکسیموم یوکلنمه‌دن ایکی دفعه گوجلو یوکلنمه‌یه تاب گتیریر.
یئنی ماتریا‌لی فابریکادا حاضرلاماق و سونرا تیکینتی مئیدانچاسینا چاتدیرماق اولار. بو حالدا بتون ماتریا‌لی داها سرعتلی حاضرلانیر.
