ایسرائیل اوردوسونون جنین شهرینه هوجوملاری: 8 اؤلن
ایسرائیل عسگرلری آغیر هاوا و قورو بومباردمانلاری ایله رفح شهرینین مرکزی حیصّه‌لرینه دوغرو ایرلیله‌یه‌رک فیلادلفیا دهلیزینین اورتاسینا چاتیبلار
ایسرائیل اوردوسونون ایشغال آلتینداکی اردن چایینین باتی ساحیلینین قوزئیینده‌کی جنین شهرینه و جنین قاچقینلار دوشرگه‌سینه تشکیل ائتدیگی هوجوملاردا هلاک اولان فیلیسطین‌لیلرین سایی 8-ه یوکسلیب.
فیلیسطین قیزیل آیپارا جمعیتیندن ائدیلن یازیلی آچیقلامادا، قیزیل آیپارا تعجیلی یاردیم گروپلارینین جنین قاچقینلار دوشرگه‌سینین الهدف بؤلگه‌سینده ایسرائیلین هوجومو نتیجه‌سینده اؤلن بیر شخصه چاتماغی باجاردیغی بیلدیریلیب.
آچیقلامادا، ایسرائیل قووه‌لرینین اؤلن فیلیسطین‌لینین جسدینی خسته‌خانایا آپارارکن تعجیلی یاردیمی ساخلادیغی، لاکین مؤوضوع ایله باغلی اطرافلی معلومات وئریلمه‌دیگی بیلدیریلیب.
فیلیسطین صحیه ناظیرلیگی ده ایسرائیلین جنینه هوجوملاریندا هلاک اولان فیلیسطین‌لیلرین سایینین 8-ه یوکسلدیگینی تصدیقلَییب.
بو آرادا، ایسرائیل اوردوسو غزه زولاغینین گونئیینده‌کی فیلادلفیا دهلیزینده (غزه ایله مصر آراسینداکی سرحد) رفح شهرینین باتیسیندا قورو هوجوملارینی گئنیشلندیریب.
ایسرائیل عسگرلری آغیر هاوا و قورو بومباردمانلاری ایله رفح شهرینین مرکزی حیصّه‌لرینه دوغرو ایرلیله‌یه‌رک فیلادلفیا دهلیزینین اورتاسینا چاتیبلار.
ایسرائیل حربی ماشینلارینین فیلادلفیا دهلیزینده، رفح شهرینین مصر سرحدینه پارالل محله‌لرینده ایرلیله‌دیگی بیلدیریلیب.
بو هوجوملاردا 21 فیلیسطین‌لینین یارالاندیغی قید ائدیلیب.
