هلیکوپتر قضاسیندا اؤلنلر اوچون تبریزده جنازه مراسیمی تشکیل ائدیلدی
ایران جمهورباشقانی ابراهیم رئیسی، خاریجی ایشلر باخانی حسین امیرعبداللهیان و دیگر مسئوللار اوچون پلانلانان جنازه مراسیملرینین ایلکی، تبریزده تشکیل ائدیلدی
سیراغا گون هلیکوپتر قضاسیندا حیاتینی ایتیرهن ایران جمهورباشقانی ابراهیم رئیسی، خاریجی ایشلر باخانی حسین امیرعبداللهیان و دیگر مسئوللار اوچون پلانلانان جنازه مراسیملرینین ایلکی، تبریزده تشکیل ائدیلدی.
تبریز شهدا میدانیندا تشکیل ائدیلهن و اون مینلرجه اینسانین قاتیلدیغی مراسیمده، جمهورباشقانی ابراهیم رئیسی، خاریجی ایشلر باخانی حسین امیرعبداللهیان، تبریز جمعه امامی محمد علی آل هاشم و دوغو آذربایجان والیسی مالک رحمتی اوچون دعالار ائدیلدی.
مولکی و عسگری مسئوللارین قاتیلدیغی مراسیمده جنازهلر بؤیوک بیر کوتلهنین قاتیلیمییلا شهدا میدانیندان، مصلی میدانینا آپاریلدی.
تبریزده جنازه نامازی و گئچیدله باشلایان مراسیملر، بو گون قوم شهرینده یارین دا باشکند تهراندا داوام ائدجک.
جمهورباشقانی رئیسینین جنازهسی مشهد شهرینده جمعه آخشامی گونو تشکیل ائدیلهجک مراسیمله دفن ائدیلهجک.
ابراهیم رئیسی و یانینداکی اوست سویه مسئوللار اوچون آیریجا، دونن آخشام باشکند تهراندا یاس مراسیمی تشکیل ائدیلدی.