ایسرائیل اوردوسونون غزه زولاغینا هوجوملاری
وفا خبر آژانسینین معلوماتینا گؤره، ایسرائیل اوردوسونون غزه زولاغینا هوجوملاری نتیجهسینده ان آزی 22 فیلیسطینلی حیاتینی ایتیریب
ایسرائیل اوردوسونون غزه زولاغینا هوجوملاری نتیجهسینده ان آزی 22 فیلیسطینلی حیاتینی ایتیریب.
فیلیسطینین رسمی خبر آژانسی وفانین معلوماتینا گؤره، ایسرائیل اوردوسونون غزه شهرینین باتیسیندا ابوحصیره کوچهسینده الترتوری عائلهسینه عاید ائوی هدف آلماسی نتیجهسینده آرالاریندا قادین و اوشاقلارین دا اولدوغو ان آزی 5 فیلیسطینلی حیاتینی ایتیریب.
ایسرائیل ساواش اوچاقلارینین غزه شهرینین گونئییندهکی صبرا محلهسینده حجازی عائلهسینه عاید ائوی بومبالاماسی نتیجهسینده 2 فیلیسطینلی قادین حیاتینی ایتیریب، بعضیلری یارالانیب، بعضیلری داغینتیلار آلتیندا قالیب.
ایسرائیل ساواش اوچاقلارینین غزه زولاغینین گونئییندهکی رفح شهرینین دوغوسونداکی جنینه محلهسینده "خطیب" عائلهسینه مخصوص ائوی هدف آلماسی نتیجهسینده ان آزی 4 فیلیسطینلی اؤلوب، چوخلو سایدا یارالی وار.
ایسرائیل اوردوسونون رفحین مرکزیندهکی شبوره قاچقینلار دوشرگهسینده دیدرگین دوشموش فیلیسطینلیلرین قالدیغی "خواجات" عائلهسینه مخصوص ائوی بومبالاماسی نتیجهسینده 6 فیلیسطینلی حیاتینی ایتیریب.
ایسرائیل اوردوسونون رفحده "ابوطاها" عائلهسینه مخصوص ائوی هدف آلماسی نتیجهسینده 5 فیلیسطینلی حیاتینی ایتیریب.
ایسرائیل اوردوسونون اکتبرین 7-دن بو یانا هوجوملارینی داوام ائتدیردیگی و مجبوری کؤچکون فیلیسطینلیلرین سیغیندیغی مولکی یاشاییش منطقهلرینی، خستهخانالاری، مکتبلری و سیغیناجاقلاری هدف آلماسی و اینسانی یاردیمین داخیل اولماسینین قارشیسینین آلینماسی نتیجهسینده تخمینا 2.3 میلیون اهالیسی اولان غزه زولاغیندا بؤیوک اینسانی فلاکت یاشانیب.
ایلگیلیلی خبرلر
افغانیستاندا هلیکوپتر دوشدو
غور ویلایتینین فیروز کوه شهرینده عسگری هلیکوپتر، هریرود چایینین ساحلینه دوشدو