ایراندا شنبه گونونون ده هفته سونو تعطیلینه علاوه ائدیلدی
هفته‌لیک تعطیله شنبه گونونون علاوه ائدیلمه‌سی 66 علیه‌ینه، 3 طرفسیز و 136 رای ایله تصدیق ائدیلدی
ایران پارلمانی جمعه گونونه علاوه اولاراق شنبه گونونون ده هفته سونو تعطیلینه علاوه ائدیلمه‌سی حاقیندا قانون لاییحه‌سینی تصدیقلَییب.
تئسنیم خبر آژانسی معلوماتینا گؤره، سوسیال مسئله‌لر کمیسیونو طرفیندن قیمتلندیریلن قانون لایحه‌سی پارلماندا نماینده‌لرین رای وئرمه‌سینه چیخاریلیب.
بیرینجیسی، جمعه آخشامینین تعطیل تکلیفی 75 علیه‌ینه 132 رای ایله ردد ائدیلدیکدن سونرا شنبه گونو نماینده‌لرین رای وئرمه‌سینه چیخاریلدی.
هفته‌لیک تعطیله شنبه گونونون علاوه ائدیلمه‌سی 66 علیه‌ینه، 3 طرفسیز و 136 رای ایله تصدیق ائدیلدی.
ایران پارلمانینین قبول ائتدیگی قانون لایحه‌لری شورای نگهبان مجلیسی تصدیقیندن سونرا قانونا چئوریلیر.
اؤلکه‌ده هفته‌سونو تعطیللری حاضیردا جمعه گونو تام گون، جمعه آخشامی ایسه یاریم گوندور.
بو وضعیت "شنبه" و "بازار" بوتون دونیادا تعطیل اولدوغو اوچون اولوسلارآراسی تیجارتی پوزدوغو سببی ایله تنقیدلره سبب اولور.
بعضی موحافیظه‌کارلار جمعه آخشامینی مدنی و دینی بایراملار اوچون داها اویغون گؤرسه‌لر‌ده خوصوصیله ایش آداملاری اولوسلارآراسی تیجارتله اینتقراسیونو تامین ائتمک اوچون شنبه گونونون تعطیل اولماسینی ایستَییرلر.
ایلگیلی‌لی خبرلر
ایسراییل-دن سوریه-یه هاوا هوجومو ادعاسی
ایسراییلین سوریه-ده‌کی حربی منطقه‌لری بومبالادیغی ایره‌لی سورولوب.
