ایسرائیلین غزه‌یه سالدیریلاریندا اؤلو ساییسی آرتیر

ایسرائیلین محاصره آلتینداکی غزه یولاغینا ۷ اکتبردان بو یانا تشکیل ائتدیگی سالدیریلاردا، اؤلدوروله‌ن فیلیسطینلیلرین ساییسی سون ۲۴ ساعاتدا ۱۴۷ آرتاراق، ۲۳ مین ۳۵۷ نفره یۆکسلدی.

غزه‌ده‌کی ساغلیق باخانلیغیندان وئریله‌ن یازیلی آچیقلامادا، ایسرائیلین ۹۶ گوندور داوام ائد‌ن سالدیریلارینا باغلی بیلگی وئریلدی.

آچیقلامادا، ایسرائیلین غزه یولاغینا تشکیل ائتدیگی سالدیریلاردا، سون ۲۴ ساعاتدا ۱۴۷ فیلیسطینلینی اؤلدوردوگو و ۲۴۳ نفری یارالادیغی ایفاده ائدیلدی.

ایسرائیل گۆجلرینین سون ۲۴ ساعاتدا "۱۴ قتل عام" گئرچکلشدیردیگی ایفاده ائدیله‌ آچیقلامادا، ۷ اکتبردان بو یانا تشکیل ائدیله‌ن سالدیریلاردا اؤلدوروله‌ن فیلیسطینلیلرین ساییسینین ۲۳ مین ۳۵۷ نفره، یارالانانلارین ساییسینین ایسه ۵۹ مین ۴۱۰ نفره چیخدیغی بیلدیریلدی.

یارالیلارین بیر قیسیمینین هله ییخینتی آلتیندا یا دا یوللارین قیراغیندا اولدوغو؛ آمبولانس و سیویل ساوونما قروپلارینین ایسه اونلارا چاتابیلمه‌دیگی قید ائدیلدی.