حماس: آتیش‌کس یاخیندیر
"حرکت، قطرده‌کی قارداشلارینا و آراچیلارا جاوابینی وئردی. آتیش‌کس آنلاشماسینا وارماغا یاخینلاشدیق"
حماس لیدئری اسماعیل هنیه، ایسرائیل ایله آتیش‌کس آنلاشماسینا 'یاخین' اولدوقلارینی، بو قونودا آراچیلیق ائد‌ن قطره جاوابلارینی چاتدیردیقلارینی سؤیله‌دی.
حماسین تلگرام حسابیندان، حرکتین سیاسی دفتری باشقانی اسماعیل هنیه‌نین آتیش‌کسه باغلی آچیقلاماسینا یئر وئریلدی.
هنیه، "حرکت، قطرده‌کی قارداشلارینا و آراچیلارا جاوابینی وئردی. آتیش‌کس آنلاشماسینا وارماغا یاخینلاشدیق" ایفاده‌سینی ایشلتدی.
حماسین سلاحلی قانادی عزالدین قسام توغایلاری، ۷ اکتبر سحری ایسرائیلین "فیلیسطینلیلره و باشدا مسجد اقصی اولماق اۆزره قوتسال دگرلرینه قارشی داواملی پوزونتولارینا جاواب وئرمه" سببی ایله گئنیش سالدیری تشکیل ائدرکن، ایسرائیل اوردوسو دا غزه یولاغینا آغیر هاوا بومباردمانی باشلاتدی.
ایسرائیلده ۷ اکتبرداکی سالدیریلاردا ۳۱۰دان چوخو عسگر اولماق اۆزره ۱۲۰۰ ایسرائیللینین اؤلدوگو، ۵ مین ۱۳۲ نفرین یارالاندیغی بیلدیریلدی.
ایسرائیله گؤره، قسام توغایلارینین الینده ایسرائیللی ۲۳۹ اسیر وار.
غزه‌ده‌کی حکومته گؤره ایسه ۷ اکتبردان بو یانا ایسرائیل سالدیریلاریندا غزه یولاغیندا ۵ مین ۶۰۰و اوشاق و ۳ مین ۵۵۰سی قادین اولماق اوزره ۱۳ مین ۳۰۰ نفر اؤلدورولدو.
ایشغال آلتینداکی اردن چایینین باتی ساحیلینده و قدسدا دا ۷ اکتبردان بو یانا ایسرائیل گوجلری و یهودی یئرله‌شیمچیلرین سالدیریلاریندا ۲۱۷ فیلیسطینلی حیاتینی ایتیردی.
ایسرائیل اوردوسو، غزه‌ده اون مینلرجه یارالی ایله وطنداشین سیغیندیغی اونلارجا خسته‌خانانی زورلا تخلیه ائتمک اوچون یئرلشکه‌لرینی یا دا آنا بینالارینی ووردو. ایشغال سیراسیندا بعضی خسته‌خانالاری باسدی. سالدیریلاردا یوزلرجه اینسان اؤلدو و یارالاندی.
ایسرائیل اوردوسو ایله حزب‌الله آراسیندا ۸ اکتبردان بو یانا سرحدده یاشانان چاتیشمالاردا آیریجا ۷۶ حزب‌الله منسوبو اؤلدو.
ایلگیلی‌لی خبرلر
ایسرائیلده نتانیاهویا قارشی تظاهرات ائدیلیب
تظاهراتچیلار نتانیاهو حؤکومتینی غزه‌ده آتیش‌کس و محبوس موبادیله‌سینی قبول ائتمه‌یه چاغیریبلار
