بؤلوجو ترور هؤرگوتونه قارشی عملیات
"بیر گئجه آنیدن هینلرینده ووردوق، وورماغا داوام ائدجییک. تک بیر تروریست قالمایینجایا قدر ده بو موباریزه بیتمه‌یه‌جک"
میللی ساوونما باخانلیغی، عراقین قوزئیینده‌کی متینا، خاکورک، قندیل و غارا بؤلگه‌لرینده‌کی تروریست هدفلرینه هاوا عملیاتی ایجرا ائد‌رک، ایچینده سؤزده مسئول تروریستلرین ده اولدوغو۲۰ هدفی یوخ ائتدی.
میللی ساوونما باخانلیغینین سوسیال مئدیا حسابیندان وئریله‌ن آچیقلامادا، تروریستلرین اؤزلرینی گؤزله‌یه‌ن سوندان قاچابیلمه‌یه‌جکلری وورغولاناراق، "بیر گئجه آنیدن هینلرینده ووردوق، وورماغا داوام ائدجییک. تک بیر تروریست قالمایینجایا قدر ده بو موباریزه بیتمه‌یه‌جک" ایفاده‌سی ایشله‌دیلدی.
آچیقلامادا، بو بیلگیلره یئر وئریلدی:
"پ‌کاکا/کاج‌کا و دیگر تروریست عنصورلاری ضررسیز حالا گتیره‌رک، عراقین قوزئییندن خالقیمیزا و گوونلیک گوجلریمیزه قارشی ترور سالدیریلارینی آرادان قالدیرماق و حدود گوونلیگینی تامین ائتمک مقصدی ایله، بیرلشمیش میللتلر آنلاشماسینین ۵۱.جی ماده‌سیندن قایناقلانان مشروع مدافعه حاقلاریمیز ایستیقامتینده، عراقین قوزئیینده‌کی متینا، خاکورک، قندیل و غارا بؤلگه‌لرینده اولان تروریست هدفلرینه، ۱ اکتبر ۲۰۲۳ (تورکیه ساعاتی ایله) ۲۱.۰۰دا هاوا عملیاتلاری ایجرا ائدیلمیشدیر.
ایجرا ائدیله‌ن هاوا عملییاتلارییلا بؤلوجو ترور هؤرگوتو طرفیندن ایستیفاده ائدیله‌ن و ایچریسینده سؤزده مسئول سویه‌ده تروریستلرین ده اولدوغو دگرلندیریله‌ن ماغارا، باریناق، سیغیناق و آنبارلاردان عبارت اولان توپلام ۲۰ هدف یوخ ائدیلمیشدیر".
آچیقلامادا، بو عملیات سیراسیندا، سوچسوز وطنداشلارین، دوست عنصورلارین، تاریخی و مد‌نی وارلیقلار ایله ئوره‌نین ضرر گؤرمه‌مه‌سی اوچون هر جور تدبیرین آلیندیغی وورغولاندی.
بو آرادا، ایچ ایشلری باخانی علی یئرلیکایا، بؤلوجو ترور هؤرگوتونه ایستیقامتلی ایستانبول و قیرخلار ائلینده ۲۶ آدرسه تشکیل ائدیله‌ن عملیاتلاردا ۲۰ نفرین گؤزآلتینا آلیندیغینی بیلدیردی.
دونن باشکند آنکارادا، امنیت باش مودورلوگو اؤنونده‌کی سالدیرینی گئرچکلشدیرن تروریستلردن بیرینین بؤلوجو ترور هؤرگوتو پ‌کاکا عضوو اولدوغو تعیین اولونموشدو.
