ایراندان عربیستانا اوست سویه‌ده سفر گئرچکلشدی
ایران خاریجی ایشلر باخانی امیرعبداللهیان، یانیندا‌کی اوست سویه بیر هیئتله، سعودی عربیستانین باشکندی ریاضا گئتمک اوزره تهران‌دان آیریلدی
ایران خاریجی ایشلر باخانی حسین امیرعبداللهیان، تهران-ریاض آراسین‌دا ۷ ایل سونرا ایلیشکیلرین یئنیدن قورولماسینین آردیندان ایلک دفعه سعودی عربیستانا گئتدی.
ایران رسمی خبر آژانسی ایرنایا گؤره، امیرعبداللهیان، یانیندا‌کی اوست سویه بیر هیئتله، سعودی عربیستانین باشکندی ریاضا گئتمک اوزره تهران‌دان آیریلدی.
تهران-ریاض آراسین‌دا ۷ ایل سونرا ایلیشکیلرین یئنیدن قورولماسینین آردیندان ایلک دفعه سعودی عربیستانا سفر ائد‌ن ایران خاریجی ایشلر باخانی امیرعبداللهیانین بیر گونلوک گزیسی چرچیوه‌سینده قونومداشی فیصل بن فرحان باش‌دا اولماق اوزره اوست سویه سعودی مقاملاری ایله بیر آرایا گلمه‌سی گؤزله‌نیلیر.
امیرعبداللهیانین سفرین‌ده ایران و سعودی عربیستان آراسین‌داکی ایکیلی ایلیشکیلرین یانین‌دا بؤلگه‌سل و کوره‌سل مسئله‌لر اله آلیناجاق.
سفرله ائش زامانلی اولاراق ایرانین ریاض ائلچیسی اولاراق تعیین ائدیله‌ن علی رضا عنایتی ده سعودی عربیستان‌داکی وظیفه‌سینه رسمی اولاراق باشلایاجاق.
سعودی عربیستان‌دا ۲ ژانویه ۲۰۱۶دا آرالارین‌دا شیعه دین آدامی نمر النمرین ده اولدوغو ۴۷ نفر"ترور" سوچلاماسییلا اعدام ائدیلمه‌سینین آردیندان ایکی اؤلکه آراسین‌داکی ایلیشکیلر کسیلمیشدی.
ایران ایله سعودی عربیستان، ۱۰ مارس‌دا ۷ ایل آرادان سونرا ایلیشکیلری نورماللاشدیرما قراری آلمیش و قارشیلیق‌لی ائلچیلیکلرینین یئنیدن آچیلماسی، ایکی اؤلکه آراسین‌داکی اوچوشلارین یئنیدن باشلادیلماسی و ویزالارین آسانلاشدیریلماسی قونوسون‌دا آنلاشمایا وارمیشدی.
